Monday , February 19 2018
Breaking News
You are here: Home / Showbiz / Liza Diño sa The Eddys: Kudos for bringing back glitter and glamour in awards ceremonies
Liza Diño sa The Eddys: Kudos for bringing back glitter and glamour in awards ceremonies

Liza Diño sa The Eddys: Kudos for bringing back glitter and glamour in awards ceremonies

 

MATAGUMPAY na nairaos ng Society of Philippine Entertainment Editors (SPEEd) ang kanilang kauna-unang The Eddys Entertainment Editors’ Awards na ginanap sa Kia Theater noong Linggo, Hunyo 9 at mapapanood sa Linggo, Hunyo 15, sa ABS-CBN Sunday’s Best pagkatapos ng Gandang Gabi Vice.

Ang mag-amang Edu at Luis Manzano ang naimbitahang mag-host na ngayon lamang pinagsama sa kauna-unahang pagkakataon.

Nagningning pa ang gabi ng parangal dahil sa mga presenter na naroon tulad ninaPinoy Big Brother Lucky Season 7 love teams Kisses Delavin at Marco Gallo at Maymay Entrata at Edward Barber. Naroon din ang mag-asawang Richard Gutierrez at Sarah Lahbati, JC Santos, Bela Padilla, Cristine Reyes, Jodi Sta Maria, at ang mga bida sa Bloody Crayons na sina Janella Salvador at Elmo Magalona.

Naging mas exciting pa ang star studded night sa mga performance na ipinakita nina Nadine Lustre at James Reid; Yassi Pressman at Arjo Atayde; Ella Cruz atJulian Trono; at ang special song number na tribute kay Willie Cruz nina Martin Nievera, Ogie Alcasid, Morisette, at Klarisse de Guzman.

Kahanga-hanga naman ang pagdalo nina Nora Aunor at Rhian Ramos, parehong nominado sa Best Actress category na pinanalunan ni Vilma Santos para sa pelikulang Everything About Her. Nominado rin sa kategoryang ito sina Charo Santos, Hasmine Killip, at Ai Ai delas Alas.

Ayon kay Rhian na dumalo kasama ang kanyang dalawang taon ng boyfriend, na isang malaking karangalan para sa kanya ang ma-nominate kasama ang mga kilala at magagaling na aktres.

Marami ang humanga sa ipinakitang sportsmanship na iyon ng batang aktres na sana’y tularan ng iba. Hindi dapat tinitiyak na mananalo at saka dadalo sa awards night.

Kahit nga ang isang Superstar na tulad ni Nora na hindi rin naman sure kung siya ang magwawagi ay naroon. Ipinakita lamang niya na suportado niya ang magbibigay ng awards.

Samantala, malaki rin ang pasasalamat ng SPEEd sa mga dumalo at nakiisa sa The Eddys tulad nina Boots Anson Roa, Liza Dino-Esguera, chair ng Film Development Council of the Philippines at iba pa.

Sa mensahe ni Dino sa pamamagitan ng kanyang Instagram account, sinabi niyang,”Congratulations Society of Philippine Entertainment Editors (SPEEd) for a successful Awards Night. Amaing list of nominees and very beautiful production! More power and kudos for bringing back glitter and glamour in awards ceremonies! Cheers to many more years of celebrationg Philippine Cinema! Mabuhay kayo.

Ang The Eddys ay joined production ng Viva Live at ABS-CBN na mapapanood ngayong Linggo pagkatapos ng GGV.

SHOWBIZ KONEK – Maricris Valdez Nicasio

COMMENTS

About Maricris Valdez Nicasio

Scroll To Top
 

Copyright © 2009 - 2017 hatawtabloid.com | All Rights Reserved