Friday , March 29 2024

Tutang PH leaders sinisi sa suspendidong death penalty

 

SINISI ni Pangulong Rodrigo Duterte ang pagiging tuta ng Amerika ng mga naging Punong Ehekutibo ng bansa kaya sinuspendi ang death penalty at lumobo ang karumal-dumal na krimen.

Sa kanyang talumpati sa ika-26 anibersaryo ng Bureau of Jail Management and Penology (BJMP) kahapon, sinabi ng Pangulo, masyadong malupit ang mga kriminal lalo na ang mga teroristang grupong Abu Sayyaf Group, Maute/ISIS pero sinunod ng mga dating lider ng bansa ang ud-yok ng US at European Union na suspendihin ang implementasyon ng death penalty sa Filipinas.

“In our country, the Abu sayyaf — the ever cruel, and brutal group there – allied with ISIS, continue to behead in a most – it’s almost anima-listic urge to just decapitate people,” aniya.

“Dito sa atin, what makes it really more odious to us is kinokontrol tayo ng mga nasa Amerika,” wika niya.

“Yung libertarians kuno and those with advanced studies of what civilization is would insist that it is always wrong to kill a person even if he’s the hardened criminals,” dagdag ng Pangulo.

Kaya aniya siya nagalit ay itinuring siya ng US State Department na parang federal postal employee na kinastigo sa buong mundo dahil sa drug war ng kanyang administrasyon.

Pareho aniya sila ng sentimyento ni Indonesian President Joko Widodo na nainis sa pakikialam ng US at EU sa death penalty gayong umiiral ang parusang kamatayan sa Amerika at ibang bansa sa Europa.

Labis na ikinagalit din ng Pangulo ang aniya ay panukala ng EU at isang American doctor na magtayo ng drug centers ang gobyerno, payagan gumamit ng shabu o coccaine nang libre bilang bahagi ng rehabilitation sa drug addict.

Malaking insulto aniya sa kanya ang na-sabing suhestiyon dahil mahirap na nga ang bansa, ang gusto pang ipagawa sa gobyerno ay gastusan ang bisyo ng drug addicts gayong sila ang mga responsable sa mga krimen.

Aniya, hihintayin niya ang kinatawan ng US at EU sa Palasyo na magbibigay ng nasabing suhestiyon at sasampalin niya.

(ROSE NOVENARIO)

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *