Tuesday , October 23 2018
Breaking News
You are here: Home / News / INC namahagi ng relief goods sa 100k bakwit (Sa Marawi City)

INC namahagi ng relief goods sa 100k bakwit (Sa Marawi City)

 

HALOS 100,000 bakwit mula sa Marawi na nasa evacuation centers sa Mindanao ang nabiyayaan ng relief goods dala ng Lingap outreach program ng Iglesia Ni Cristo (INC) na kinabibilangan ng bigas, mga de latang pagkain at kape nitong Martes.

Umabot sa 1,000 miyembro ng Iglesia ang nakibahagi sa nasabing proyekto, ayon kay INC General Auditor Glicerio B. Santos Jr., at aktibong nakilahok sa pagbabalot, pagkakarga at mismong pamamahagi ng relief items sa limang venue sa Iligan City at 11 evacuation site sa Balo-i sa lalawigan ng Lanao del Norte. Ilang kagawad rin ng PNP at ng sandata-hang lakas ang nangalaga sa kanilang seguridad at tumiyak na maisagawa nang maayos ang proyekto.

READ MORE:  Mag-utol missing sa hagupit ni ‘Jenny’

Ikinatuwa ng mga lokal na pinuno at mga residente ang nasabing relief drive ng INC dahil ito umano ang kauna-u-nahang malakihang pa-mamahagi ng tulong mula sa kahit na anong “religious group” sa nabanggit na lalawigan.

“Mabilis na napagdesisyonan ng Iglesia ang nasabing proyekto. Sa patnubay at pangunguna ni Executive Minister Eduardo V. Manalo, napagtanto namin na kailangan namin agad tumulong sa ating mga kababayan na napinsala ng sigalot sa Marawi. Walang kinalaman ang relihiyon at politika rito, ang mahalaga ay makapagkalinga ng mga taong dagling nangangailangan,” giit ni Santos.

READ MORE:  Desisyon ng NLRC binalewala ng GMA — TAG

Sa nakalipas na ilang taon, mabilis na napalawak ng INC ang Lingap sa Mamamayan livelihood and assistance program para sa mga kababayan nating mahihirap, miyembro man nila o hindi kabilang sa Iglesia.

“Kadalasa’y programang pangkabuhayan ang aming isinasagawa, ngunit sa mga pagtama ng kalamidad o pagkakataong kagaya ng nangyari sa Marawi, agad naming ibinabaling ang proyekto sa pamamahagi ng tulong-materyal gaya ng pagkain at gamot. Sa pamamagitan nito, mas naaabot namin nang mabilisan ang mga kababayang dagli ang pangangailangan.”

READ MORE:  EJKs sa CSJDM itinanggi ng Bulacan PNP

Ayon kay Santos, pa-tuloy silang kakalinga upang lahat ng mga nasa evacuation centers sa mga bayang nakapaligid sa Marawi ay kanilang ma-tulungan. May 35 evacuation sites sa mga lalawigan ng Lanao at Misamis Oriental na pansamantalang tinutuluyan ng mga nasalanta ng gulo sa Marawi.

HATAW News Team

COMMENTS

About hataw tabloid

Scroll To Top
 

Copyright hatawtabloid.com | All Rights Reserved