Friday , February 23 2018
Breaking News
You are here: Home / Showbiz / Top shots sa La Luna Sangre, nakaka-wow!
Top shots sa La Luna Sangre, nakaka-wow!

Top shots sa La Luna Sangre, nakaka-wow!

 

TRENDING na naman ang La Luna Sangre noong Lunes na may hashtag #LaLunaSangreBagsik dahil simula umpisa ay punumpuno ng aksiyon. Ang hirap kumurap o magbanyo man lang dahil naghasik talaga ng bagsik niya si Supremo (Richard Gutierrez) noong hindi niya mahanap si Malia (Kathryn Bernardo).

Hindi man kami naiyak, pero touching ang maagang pagkamatay ni Frederick (Victor Neri) na namumuno sa grupo para bantayan at alagaan si Malia (Kathryn) kaya naman nagwala ang asawa nitong si Veruska (Ina Raymundo).

Tatlong linggo lang pala ang itinatagal sa serye nina Nikki Valdez (Lydia), Michael Agassi (Miguel), Maika Rivera (Malina), William Lorenzo (Yago) at iba pang kakampi ni Malia.

In fairness, maraming tauhan din si Supremo tulad ni Wilma Doesnt (Elisse) ang namatay, pero tulad sa pelikula, hindi nauubos ang mga kontrabida.

Napapa-wow kami sa top shots ng La Luna Sangre habang naglalaban sila at pati mga effect na lumilipad ang mga Lobo at kung paano sila winawasiwas na parang mga sisiw lang.

Si Malia lang naman ang gusto ng Supremo at hindi sila gagalawin na kaya nagpanggap si Sue Ramirez (Catleya) bilang si Malia pero noong sakalin siya ay walang naramdamang power ang pinuno ng Bampira kaya binitiwan siya.

Ang kaabang-abang ay unti-unti ng nagkakaroon ng power si Malia dahil base sa napanood namin ay kinausap niya muli ang bilog na buwan at nasinagan siya ng liwanag nito hanggang sa nabingi siya at parang nakikita niyang may mga bampirang parating.

Sina Joross Gamboa (Baristo) na tatay-tatayan ng dalaga at si Bryan Santos (Gael) na lang ang natitirang bantay ni Malia kaya sana huwag muna silang matsugi hangga’t hindi nagkakaroon ng powers ang bagong itinakda.

Nakamit ng La Luna Sangre ang ratings na 33.9% nationwide; 35.7% Metro Manila; 33.1% Urban; 34.7% Rural at 31.1% sa Mega Manila.

FACT SHEET – Regggee Bonoan

COMMENTS

About Reggee Bonoan

Scroll To Top
 

Copyright © 2009 - 2017 hatawtabloid.com | All Rights Reserved