Friday , March 29 2024

PTFoMS ng Duterte admin pinuri (Laban sa pamamaslang)

UMANI ng papuri ang Presidential Task Force sa Media Security (PTFoMS) mula sa mga miyembro ng media at sa kanilang mga pamilya na naging biktima ng karahasan kaugnay ng kanilang trabaho.

Si Virgilio Maganes, isang komentarista sa DWPR Radyo Asenso na nakabase sa Dagupan City at kolumnista ng lokal na pahayagang Northern Watch ay nagpasalamat sa PTFoMS sa mabilis na pagkilos sa kanyang kaso na nagresulta sa pagkakaaresto sa suspek na si Michael Prado y Tangle, 33, residente sa Pueley Village Villassis, sinasabing nasa likod ng tangkang pagpatay sa biktima noong Nobyembre.

Nahuli ang suspek sa bisa ng warrant of arrest na inilabas ni Judge Junius Dalaten ng Regional Trial Court Branch 50 ng nasabing bayan.

Matatandaan, patungo si Maganes sa bayan ng Villasis noong umaga ng 8 Nobyembre 2016, nang sundan ang traysikel na kanyang sinasakyan ng riding in tandem.

Tatlong putok ng baril ang pinakawalan sa likod ng traysikel na tumama ang isa sa kanya bago umalis ang mga suspek.

Personal siyang dinalaw ni PTFoMS executive director, Undersecretary Joel Sy Egco, dating mamamahayag, at agad na pinakilos ang mga imbestigador na huwag lulubayan hangga’t hindi nahahanap ang mga salarin.

“I am very grateful for the help of PTFoMS, especially President Rodrigo Duterte who has shown his deep concern for media workers’ safety by creating the task force,” ani Maganes.

Ang task force ay binuo ni Presidential Communications Operations Office Secretary Martin Andanar noong nakaraang taon kasama ang freedom of information Executive Order na nilagdaan ng Pangulong Duterte.

Samantala, si Edralyn Pangilinan, balo ng pinatay na Catanduanes News Now publisher na si Larry Que, ay nagpahayag ng pagpapahalaga sa PTFoMS para matiyak ang paghahatid ng hustisya sa biktima, na pinaslang noong 19 Disyembre 2016.

Si Pangilinan at Marlon Suplig, isang local broadcaster na nagsampa ng kaso ng pagpatay sa Department of justice laban kay Gov. Joseph Cua, isang Prince Subion at mga pulis na sina Vincent Tacorda at Dan Bagay.

“We are thankful for the sincerity of the Duterte government in ser-ving justice for slain mediamen. We are aware of the PTFoMS’ sacrifices. The task force has provided security for our fa-mily as we go along this lengthy fight for justice,” ani Pangilinan.

Sa pulong ng PTFoMS, sinabi ni DOJ Assistant Secretary Juvy Manwong, isang panel of prosecutors ang bubuuin upang humawak sa kaso ni Que.

“This proves that Pre-sident Duterte pays no lip service to the people he promised to serve. We are forever grateful to him and the people behind PTFoMS,” diin ni Suplig.

Noong nakaraang linggo anim na pinakamalalaking grupo ng media ang nangako ng suporta para sa pamilya ni Que at mga kaibigan para sa hustisya.

Kabilang sa mga lumagda ang kinatawan ng Center for Media Freedom and Responsibility, National Press Club, National Union of Journa-lists of the Philippines, Kapisanan ng mga Brodkaster ng Pilipinas; Publishers Association of the Philippines, Inc., at Philippine Press Institute.

Sa anim-buwan  accomplishment report sa Pangulo noong Mayo, sinabi ng  PTFoMS na ang pinakahuling survey ng The Press Freedom Index, ang Filipinas ay nasa ika-127 na ngayon na dating pang-138 noong 2016.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *