Friday , March 29 2024

GAD budget ilaan sa Marawi bakwit — Housing czar

INATASAN ni Cabinet Secretary at housing czar Leoncio Evasco Jr., ang Key Shelter Agencies na gumawa ng paraan upang magamit ang kanilang budget para sa Gender and Development para kagyat na masaklolohan ang mga kababaihan at kabataang bakwit ng Marawi City.

Ani Evasco, batid ng Palasyo na matatagalan ang pagtatayo ng mga pabahay para sa mga bakwit kaya’t sa ginanap na special meeting noong nakalipas na 26 Hunyo ay napagkasunduan na gamitin ng Key Shelter Agencies ang GAD budget upang mabilis na matugunan ang mga pangangailangan ng kababaihang bakwit.

Batay sa Republic Act 9710 o Magna Carta of Women, may mandato ang mga ahensiya ng pamahalaan na maglaan ng kahit 5% ng kanilang buong budget para sa GAD programs na tututok sa “gender issues and concerrns.”

Napuna ni Evasco na nahihirapan ang mga ahensiya ng gobyerno na gastusin ang buong budget kaya napagpasyahan na ilaan ang hanggang kalahati ng GAD funds sa kasalukuyan at hindi nagasta sa mga nakalipas na taon, para ayudahan ang mga kababaihang bakwit.

Ilan sa target na puntahan ng GAD funds ang hygiene kits at psychosocial support services.

Ang Key Shelter Agencies sa ilalim ng Housing and Urban Development Coordinating Council (HUDCC) ay National Housing Authority, Social Housing Finance Corporation, Home Development Mutual Fund o Pag-ibig Fund, Housing and Land Use Regulatory Board, Home Guarantee Corporation, at National Home Mortgage Corporation.

Umaasa si Evasco na magkaroon ng sariling inisyatiba ang iba pang ahensiya na maghanap ng paghuhugutan ng pondo upang matulungan ang mga apektado ng bakbakan sa Marawi City.

(ROSE NOVENARIO)

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *