Tuesday , September 26 2017
Breaking News
You are here: Home / Sports / Ang First Lady ng Football: Antonella Roccuzzo
Ang First Lady ng Football: Antonella Roccuzzo

Ang First Lady ng Football: Antonella Roccuzzo

BINANSAGAN ng mga celebrity magazine ang brunette na si Antonella Roccuzzo bilang ‘the first lady of football’ — habang ang kanyang mister na si Lionel Messi ay kinikilalang ‘the best (football) player on the planet.

Dumalo ang mga sikat na showbiz at football star sa kasal nina Roccuzzo at Messi nitong nakaraang Biyernes, 30 Hunyo, sa Rosario, Argentina.

Sa kabila ng bonggang kasalan, ipinipilit ng mga kaibigan ng mag-asawa sa kanilang home city sa northern Argentina na sadyang mapagpakumbaba ang dalawa na kailan ma’y hindi nakalimot sa kanilang pinanggalingan.

Itinuturing na ‘man of few words’ hinahayaan ng milyonaryong Barcelonan na ang kanyang mga paa na lamang ang magsalita para sa kanya — at lalo na ang kanyang maybahay na sadyang hindi kumikibo sa harap ng publiko.

Umiwas ang pamilya ni Roccuzzo na makapanayam ng mga mamamahayag na sumaksi sa kanyang kasal kay Messi.

Ang ama ng dalaga na si Jose ay may-ari ng chain ng mga lokal na supermarket — ang Unico. Dati siyang pangulo ng isang regional supermarket owners’ association. Bukod dito, sinasabi din na fan siya ng Newell’s Old Boys — ang  boyhood club ng asawa ng kanyang anak sa Rosario.

Samantala, si Roccuzzo ay lumaki sa upper middle-class Bella Vista district at nag-aral sa isang private school, ayon sa isang kaibigan na humi-ling na huwag nang banggitin pa ang pangalan.

Inihayag ni Diego Vallejos, isa sa childhood friend at kapitbahay ng pamilya Messi, na nagkakilala ang bagong kasal noong 9-anyos sila at agad na napaibig ang ngayo’y sikat na football player.

“(He) fell in love forever at first sight” ani Vallejos sa panayam ng AFP.

“We will always remember Antonella as being around this neighborhood and as being Messi’s girl,” dagdag ng isa pang kaibigang si Franco Lentini, na lumaki sa komunidad na namuhay ang pamilya ni Messi.

ni Tracy Cabrera

COMMENTS

About Tracy Cabrera

Scroll To Top
}