Saturday , June 23 2018
Breaking News
You are here: Home / News / Liderato ng terorista gumuguho na — militar
Liderato ng terorista gumuguho na — militar

Liderato ng terorista gumuguho na — militar

GUMUGUHO na ang liderato ng mga terorista sa battle zone sa Marawi City, bunsod ng kanilang unti-unting pagkatalo sa sagupaan, ayon sa Philippine military kahapon.

Sinabi ni Task Force Marawi spokesperson Lt. Col. Jo-ar Herrera sa press briefing sa nabanggit na lungsod, ang tagumpay ng mga tropa ng gobyerno ay “irreversible” dahil paubos na ang bala ng local terrorist group Maute at kanilang mga kasabwat.

Ani Herrera, ang isa sa katunayan nang nalalapit na tagumpay ng militar ay pagguho ng liderato ng mga terorista sa loob ng confict zone.

“We have validated reports there are leadership problems inside. They also lack ammunition,” ayon sa spokesman.

Aniya, kabilang sa mga problemang kinakaharap ng kanilang kalaban ay pagnanais ng Islamist militants na iwanan na lamang ang battlefield dahil ang kanilang defensive zone ay patuloy na lumiliit bunsod nang pag-abante ng mga tropa ng gobyerno.

Problema rin aniya ng mga terorista ang kawalan ng “resources” at pagbagsak ng kanilang komunikasyon.

“There is the issue of mo-ney, the issue of decision ma-king. Some of them, especially those other groups, would like already to get away from the battle zone. Gusto na nilang lumayas. However, there are some troops who wanted to stay behind to hold their positions,” aniya.

Sinabi ni Herrera, patuloy sa pag-abante ang kanilang mga tropa papasok sa lungsod na pinagtataguan ng nalalabing mga militante.

Aniya, na-clear na ng militar ang 86 gusali na dating hawak ng mga militante.

“We are, inch by inch, moving towards the center of gravity,” ayon kay Herrera. “These are the things that are affecting them in terms of morale. Mahina na sila.”

Aniya, ang tanging pumipigil sa mga tropa ng gobyerno sa ganap na pag-liberate sa Marawi mula sa islamist militants, ay presensiya ng itinanim na mga bomba at iba pang pampasabog sa battle zone, gayondin ang mga na-trap na mga residente at mga bihag.

COMMENTS

About hataw tabloid

Scroll To Top
 

Copyright © 2009 - 2017 hatawtabloid.com | All Rights Reserved