Saturday , February 24 2018
Breaking News
You are here: Home / Showbiz / Modernong costume ni Darna, on top si Direk Matti
Modernong costume ni Darna, on top si Direk Matti

Modernong costume ni Darna, on top si Direk Matti

SA kabila ng panawagan na huwag pamunuan ni Eric Matti ang direksiyon ng Darna (na gagampanan ni Liza Soberano) ay tuloy na tuloy pa rin ang multi-awarded Ilonggo director sa proyektong ito.

Sa katunayan, on top si direk Eric sa pagpili ng modernong costume ng sikat na Pinay superhero. Just wondering kung ano ang ipinagkaiba nito sa mga nagdaang kasuotan ni Darna.

Then and now ay nag-evolve naman talaga ang Darna costume. May ilang modifications man, pero naroon pa rin ang trademark headgear na predominantly red ang kulay at may hugis ibon na disenyo sa bandang noo nito.

Klasiko rin ang pulang telang nakasabit sa bandang harapan ni Darna. As to how revealing ang bra ni Darna ay isang bagay na dapat abangan ngayong si Liza na ang bagong gaganap.

Ayaw naming pangunahan ang kabuuan ng Matti version na ito, pero higit na kilala ang nasabing direktor sa mga pelikulang makatindig-balahibo. At kung mas angat siya sa horror genre, nakikinita na naming malaking porsiyento ng kanyang bersiyon will dwell on the “dark creatures” na sasagupain ng bida.

Minsan na kaming pinapanood ni direk Eric ng Aswang Chronicles noon na tampok si Dingdong Dantes. The way he presented to us ang pelikula, kinailangan niyang ipakita on split screen ang masusing proseso ng technical aspect nito.

Sa departamentong ‘yon napakahusay ni direk Eric. Ito sana ang mas bigyan ng konsiderasyon ng mga basher niya, particularly the Duterte supporters, na nauna nang nagbantang iboboykot nila ang Darna bunsod ng pagpapakawala niya ng mura na hinihinalang patungkol sa Pangulo.

Just asking: mayroon din kayang political undertones ang Darna considering na taglay ni direk Eric ang radikal na pananaw sa mga kaganapan sa ating bansa?

I’m sure!

HOT, AW! – Ronnie Carrasco III

COMMENTS

About Ronnie Carrasco III

Scroll To Top
 

Copyright © 2009 - 2017 hatawtabloid.com | All Rights Reserved