Friday , March 29 2024

Maine Mendoza, Forever Young

HANGGANG ngayon ay tinatanong pa rin ng Phenomenal Star na si Maine Mendoza kung bakit tinatamasa niya sa kasalukuyan ang mga suwerteng dumarating sa kanyang buhay.

Dalawang taon pa lang ay sobra-sobrang blessing na ang dumating sa kanyang unexpected showbiz career, ”Sobrang bilis talaga ng mga nangyari sa amin ni Alden (Richards). Lalo na po sa akin. Two years pa nga lang ako, ganito na, sunod-sunod.”

Bukod sa pagiging phenomenal star at isa sa most followed TV personality sa social media, patuloy pa rin siyang tinatawag na one of the most trusted product endorsers sa bansa, “Parang hindi ko pa rin maisip kung ano ba ang mayroon. Bakit? Parang isang question sa akin ‘yun na hindi ko po masasagot.”

Pagpapatuloy pa ni Maine, ”Siguro po, dahil na rin ito sa mga sumusuporta sa amin ni Alden na very supportive sa mga ine-endorse namin. Kapag nakikita na may bago akong endorsements, talagang sinusuportahan nila.”

Alam din ni Maine na hindi pang-forever ang showbiz, ”Kasi po, hindi ko naman pinangarap na mapunta sa ganitong posisyon. Kasi, akala po siguro ng iba, madali siya, very relaxed. Akala po siguro nila, puro glitz and glamour, walang paghihirap sa ganitong buhay. Siyempre, mayroon din pong downside ang pagiging artista.”

Mismong loyal fans ni Maine at kanyang mga kaibigan ang nagpapatunay na never yumabang si Maine sa kabila ng kanyang tagumpay. Sey nga ng dalaga, “Siguro ito ‘yung isang bagay na hindi ka dapat malunod. Kasi, pana-panahon lang din naman po ‘yan. Ang sa akin na lang, habang nasa ‘yo, enjoy mo.”

At bilang patunay na malakas pa rin ang hatak ng dalaga sa mga Pinoy, halos lahat ng kanyang endorsements ay nananatiling tiwala sa kanyang karisma, kabilang na nga riyan ang CDO Funtastyk Young Pork Tocino na sinasabing top-selling and most loved tocino ngayon sa bansa.

“Nakatutuwa po kasi patuloy pa rin silang nagtitiwala sa akin. First year ko pa lang sa showbiz, nakuha na nila ko. Hanggang ngayon. Isa ito sa mga unang endorsements ko at nagtiwala sa akin,” ani Maine.

Pinag-uusapan ngayon ang bagong ad campaign ni Maine para sa CDO Funtastyk Young Tocino, na ibinabandera na natagpuan na niya ang kanyang “forever”. Inakala kasi ng maraming AlDub fans na si Alden na ang tinutukoy ng dalaga sa teaser ng campaign.

”Very unique ang concept. Parang ilo-launch nila na very mysterious sa tao. Kung ano nga ba ‘to, anong klaseng beauty product na bandang huli, malalaman nila na tocino pala,” chika pa ni Maine.

Samantala, naniniwala pa rin ang fans nina Maine at Alden na may forever din sa AlDub. They still believe na sina Maine at Alden ang itinadhana at walang puwedeng sumira sa relasyon ng dalawa.

Matindi pa rin ang ginagawa nilang pagdarasal para sina Maine at Alden pa rin ang magkatuluyan sa huli. Sa katunayan, kilig na kilig ang AlDub fans sa naging mensahe ng tatay ng dalawang Dabarkads para sa kanilang mga anak.

Base kasi sa mga message ni Tatay Dub at Daddy Bae last Saturday sa Father’s Day special ng Eat Bulaga, mukhang pati sila ay umaasa na mauuwi rin sa kasalan ang relasyon ng AlDub.

Sey nga ng isang netizen, “Feel na feel nina Daddy Bae at Tatay Dub ang pagiging magkakapamilya. I know botong-boto sila sa pagpapakasal ng AlDub sa tunay na buhay.”

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *