Thursday , March 28 2024

Celtics, Sixers nagpalitan ng draft picks

NAKATAKDANG sikwatin ng Philadelpia 76ers ang #1 pick mula sa Boston Celtics kapalit ang 3rd pick nito sa pagpapatuloy ng off-season at habang papalapit ang NBA Draft.

Ayon kay David Aldridge ng TNT, nagkasundo ang Boston at Philadelpia sa prinsipyo ng naturang trade ngunit sa Lunes pa maisasapinal dahil gusto munang makita ng Sixers mismo ang personal workout ng potential top pick na si Markelle Fultz.

Kung walang mangya-ring kakaiba, tuloy na ang trade at kukunin ng Sixers si Fultz bilang top overall pick sa paparating na draft.

Hindi nalugi ang Boston dahil bukod sa 3rd pick na nakuha, nasikwat din nila ang 2018 at 2019 1st round picks ng Philadelpia, ayon kay Adrian Wojranowski ng The Vertical.

Inaasahang gagamitin ng Boston ang kanilang mga assets para magtangka ng trade kay Jimmy Butler ng Chicago Bulls bago magsimula ang 2017-2018 NBA season.

Sumugal ang Celtics na dalhin sa Sixers ang top pick dahil ang potential top pick na si Fultz ay point guard na kargado ang backcourt na binubuo nina Isaiah Thomas, Avery Bradley at Marcus Smart.

Samantala, ang Sixers ay inaasahang lalong bumata at lumakas dahil sa top picks din sa roster na si 2016 #1 pick na si Ben Simmons at sensational rookies Joel Embiid at Dario Saric.

Nagrehistro ng halimaw na 23.2 puntos, 5.9 assists, 5.7 rebounds, 1.6 steals at 1.2 blocks si Fultz para sa Washington University sa kalilipas na US NCAA.

(JBU)

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *