Wednesday , February 21 2018
Breaking News
You are here: Home / News / Dayuhang casino financier patay sa ambush
Dayuhang casino financier patay sa ambush

Dayuhang casino financier patay sa ambush

APAT na bala ng baril na tumama sa ulo at katawan ang tumapos sa buhay ng isang Hong Kong national, na sinasabing casino financier, habang nag-aabang ng taxi sa Baclaran, Parañaque City, nitong Miyerkoles ng madaling-araw.

Binawian ng buhay bago mairating sa San Juan De Dios Hospital ang biktimang si Chong Weng Sum, 60, ng Binondo, Maynila.

Sa report ng pulisya, nangyari ang insidente dakong 9:30 pm sa panulukan ng Airport Road at Mactan St., Brgy. Baclaran, ng lungsod.

Habang nag-aabang ng taxi ang biktima sa naturang lugar, sumulpot ang nag-iisang suspek na ilang beses siyang pinaputukan.

Ikinuwento ng nobya ng biktima sa pulisya, (‘di nagpabanggit ng pangalan), nitong nakaraan linggo pa sila naka-check-in sa Baymont Hotel sa Airport Road, dahil naglalaro si Sum sa casino sa City of Dreams, ilang kilometro ang layo mula sa tinutuluyan hotel.

Aniya may mga pautang si Sum sa ilang manlalaro sa casino at may kaaway aniya sa negosyo.

Inaalam ng pulisya kung may kinalaman sa negosyo ang motibo ng pagpaslang sa biktima.

(JAJA GARCIA)

COMMENTS

About Jaja Garcia

Scroll To Top
 

Copyright © 2009 - 2017 hatawtabloid.com | All Rights Reserved