Saturday , July 21 2018
Breaking News
You are here: Home / News / Pinoys maging mabuting mamamayan (Panawagan ni Digong sa ika-119 Araw ng Kalayaan)
Pinoys maging mabuting mamamayan (Panawagan ni Digong sa ika-119 Araw ng Kalayaan)

Pinoys maging mabuting mamamayan (Panawagan ni Digong sa ika-119 Araw ng Kalayaan)

NANAWAGAN si Pangulong Rodrigo Duterte sa mga Filipino na suklian ang kabayanihan at sakripisyo ng ating mga ninuno sa pamamagitan ng pagiging mabuting mamamayan.

Sa kanyang mensahe para sa ika-119 anibersaryo ng Araw ng Kalayaan, inihayag ng Pa-ngulo ang kanyang paki-kiisa sa sambayanang Fi-lipino sa paggunita sa mga sakripisyo ng ating mga bayani na nagbuwis ng buhay para palayain ang bansa laban sa mga mananakop.

Hindi aniya naging madali ang paglalakbay tungo sa kasarinlan, dugo, pawis at buhay ang inialay ng ating mga ninuno para sa tinatamasa nating mga karapatan ngayon bilang malayang mga mamamayan.

“Sa gitna ng mga pagsubok, ang pagmamahal sa bayan at ta-tag ng kalooban ang nagbigay-daan upang makawala tayo sa tanikala ng pagka-alipin at pang-aabuso,” anang Pangulo.

Samantala, ang pasya ng ilang grupo na maglunsad ng “National Day of Prayer and Action for Peace and Human Rights” sa Maynila nga-yon, ay pruweba na masigla ang demokrasya sa Filipinas, ayon kay Presidential Spokesman Ernesto Abella.

“As PRRD, quoting a famous line, repeatedly said, ‘He may not agree with what you say, but he’ll defend to the death your right to say it.’ This right includes the right to air people’s grievances, including  opposition to the proclamation of martial law in the whole island of Mindanao,” aniya.

(ROSE NOVENARIO)

NCRPO FULL ALERT
SA INDEPENDENCE DAY

MANANATILING full alert ang mga awtoridd sa Metro Manila, bunsod ng pagdiriwang ng Araw ng Kalayaan ngayong Lunes.

“We will celebrate our 119th Independence Day by remaining full alert. All security preparations remain in place,”  pahayag ni National Capital Region Police Office (NCRPO) Spokesperson Kim Molitas.

“Security protocols will be followed during the traditional celebration at the Luneta Park and all other events in Metro Manila,” ayon kay Molitas.

Pinatindi ng pulisya ang paghahanda sa seguridad sa gitna ng pangambang pag-atake ng mga terorista bunsod ng espekulasyon ng “spillover attack” sa Metro Manila mula sa nagpapatuloy na sagupaan sa Marawi City.

MRT, LRT MAY LIBRENG
SAKAY SA FREEDOM DAY

BILANG bahagi ng pagdiriwang ng Independence Day, ang mga pasahero ay maaaring sumakay nang libre sa Light Rail Transit Lines 1 and 2, at Metro Rail Transit Line 3 (MRT-3) ngayong araw, 12 Hunyo.

Sinabi ng LRT-1, LRT-2, at MRT-3 sa Twitter, ang mga pasahero ay maaa-ring mag-enjoy sa free rides sa itinakdang mga oras, mula 7:00 am hanggang 9:00 am, at mula 5:00 pm hanggang 7:00 pm.

Ang libreng sakay ay kasabay nang paglulunsad ngayong araw ng gobyerno sa free public Wi-Fi sa kahabaan ng EDSA.

Ipagdiriwang ng bansa ang ika-119 Araw ng Kalayaan sa temang “Kalayaan 2017: Pagbabagong Sama-Samang Balikatin.”

COMMENTS

About Robert B. Roque, Jr.

Scroll To Top
 

Copyright © 2009 - 2017 hatawtabloid.com | All Rights Reserved