Thursday , February 22 2018
Breaking News
You are here: Home / News / Ambush sa 3 local gov’t officials binubusisi
Ambush sa 3 local gov’t officials binubusisi

Ambush sa 3 local gov’t officials binubusisi

BUMUO ng special investigation task group Hidalgo ang Batangas police para tumutok sa kaso ng pagpatay kay Balete, Batangas Mayor Joven Hidalgo nitong Sabado, 10 Hunyo.

Binaril sa ulo ang alkalde habang nanonood ng liga ng basketball pasado 10:00 am.

Idineklarang dead on arrival sa ospital ang alkalde na tinamaan ng bala sa ulo at balikat.

Tumangging magbi-gay ng pahayag ang pamilya, ngunit sabi ng pulisya, dati nang nakatanggap ng banta sa buhay ang alkalde.

Tinutunton ang isang puting van na hinihinalang sinakyan ng gunman para makatakas makaraan ang pamamaril.

Samantala, bumuo rin ng special investigation task group ang Marikina Police para imbestigahan ang pamamaril kay da-ting Abra vice governor Rolando Somera.

Namatay si Somera makaraan siyang barilin ng isang hindi pa nakikilalang lalaki nitong Sabado, 10 Hunyo sa Munding Avenue, Brgy. San Roque, Marikina City.

Agad binawian ng buhay sa insidente si So-mera, na residente ng Cainta, Rizal.

Habang sugatan ang dalawa pang kasama ni Somera na ngayon ay nasa ospital at nagpapagaling.

Sa insiyal na imbestigasyon, lumalabas na i-nabangan ng suspek si Somera paglabas niya sa San Roque Cockpit Arena sa Brgy. San Roque pasado 1:00 am.

Tinamaan ng tatlong  bala ng baril si Somera, naging dahilan ng agaran niyang pagkamatay. Habang tig-isang tama ng bala ang dalawa pa ni-yang kasama.

Ayon kay Supt. Lorenzo Holanday Jr., hepe ng Marikina PNP, nasa kanila na ang kopya ng CCTV footage ng nangyaring pamamaril.

Base sa kuha nito, may kasabwat ang gunman na sakay ng isang motorsiklo at kasabay niyang tumakas.

Sa ngayon, tinitingnan ng pulisya ang lahat ng posibleng motibo sa pagpaslang kay Somera.

Wala pang plano ang pamilya kung kailan iuuwi sa Abra ang bangkay ni Somera.

Sa kabilang dako, naglabas ang pulisya ng composite sketch ng gunman na pumaslang kay Flordeliza Lara, chairwoman ng Brgy. 37A, sa Caridad, Cavite.

Nagbabantay ng bakery si Lara nang pagbabarilin ang biktima ng  nagpanggap na custo-mer.

Makaraan barilin, mabilis na tumakas ang suspek sakay ng motorsiklo. May angkas din ang gunman na nagsilbing lookout sa krimen.

Inaalam ng pulisya ang motibo sa likod ng pamamaril sa kapitana.

COMMENTS

About hataw tabloid

Scroll To Top
 

Copyright © 2009 - 2017 hatawtabloid.com | All Rights Reserved