Tuesday , October 16 2018
Breaking News
You are here: Home / News / Sekyu sa entrance ng Resorts World isa lang, walang armas (Nang atakehin ni Carlos)
Sekyu sa entrance ng Resorts World isa lang, walang armas (Nang atakehin ni Carlos)

Sekyu sa entrance ng Resorts World isa lang, walang armas (Nang atakehin ni Carlos)

UMAMIN ang security agency ng Resorts World Manila na isa lamang ang hiningi sa kanilang security detail ng management ng hotel para magbantay sa entrance ng establisiyemento.

Ito ay makaraan tanungin ni House Majority Floor Leader Rodolfo Fariñas ang Lanting Security sa ginanap na pagdinig ng Committees on Games and Amusement, Tourism, at Public Order and Safety, kahapon sa Ninoy Aquino International Airport Terminal 3.

Pinangunahan ni Games and Amusements chairperson Parañaque Rep. Gus Tambunting, Tourism chairperson Leyte Rep. Lucy Torres Gomez, at Public Order and Safety chairperson Antipolo Rep. Romeo Acop, ang nasabing pagdinig para malaman ang mga naging pagkukulang.

Lumabas sa pagtatanong, ang bantay sa entrance na security guard ng Lanting Security Agency ay isang babae at walang armas kaya nang makitang armado ng M4 armalite ang suspek na si Jessie Carlos, ay tumakbo.

READ MORE:  PAL Airbus umusok sa ere

Lumabas din sa pagdinig na hindi mahigpit ang seguridad nang pumasok ang suspek, kahit 250 ang security guard sa loob at mayroong 2,500 CCTV cameras.

Napaamin din ni Fariñas si Armeen Gomez, hepe ng RSW Safety, Security and Surveillance, na hindi niya binigyan ng impormasyon ang pulis-ya hinggil sa pagkakaron ng isa pang surveillance office sa kalapit na Re-mington Hotel.

Nang tanungin si Gomez kung sapat ang kanyang kaalaman hinggil sa trabaho at kung nakapagtapos ng pag-aaral, ina-min niya na hindi siya naka-graduate at isa si-yang turn-back ng Philippine Military Academy (PMA).

READ MORE:  7 katao kinasuhan ng AMLC (Sa money laundering)

(JETHRO SINOCRUZ)

CASINO TRAGEDY
‘CLOSE CASE’

IPINAKIKITA ni NCRPO director, Chief Supt. Oscar Albayalde ang retrato ng suspek na kinilalang si Jessie Carlos, responsable sa pag-atake sa Resorts World Manila na ikinamatay ng 37 katao. (BONG SON)

IPINAKIKITA ni NCRPO director, Chief Supt. Oscar Albayalde ang retrato ng suspek na kinilalang si Jessie Carlos, responsable sa pag-atake sa Resorts World Manila na ikinamatay ng 37 katao. (BONG SON)

INIHAYAG ni National Capital Regional Police Office (NCRPO) Director Oscar Albayalde, itinuturing nang “close case” ang nangyaring  trahedya sa Resorts World Manila (RWM) na ikinamatay ng 38 katao.

Ayon kay Albayalde, para sa kanila ay sarado na ang kaso ng RWM, na ikinamatay ng 38 katao, kabilang ang gunman na si Jessie Javier Carlos.

READ MORE:  E. Samar umapela ng rasyong pagkain

Gayonman, patuloy ang kanilang imbestigas-yon kaugnay sa security lapses ng security personnel na nakatalaga sa RWM.

Aniya, kahit pa maituturing nang sarado ang kaso, depende pa rin sa magiging takbo ng imbestigasyon kung ang pamilya ng mga biktima ay magsasampa ng kasong civil at kriminal laban sa management ng RWM.

Ang civil case ay danyos na hihilingin ng mga kaanak ng mga namatay at nasugatan sa insidente.

Habang ang criminal case ay pagsasampa ng negligence resulting in multiple homicide at multiple frustrated homicide laban sa management ng RWM.

Dagdag ni Albayalde, hanggang sa ngayon ay wala pang kaanak ng mga biktima na nagsasampa ng kaso laban sa RMW.

Sa ngayon, ang huma-hawak ng kaso sa nangyaring trahedya ang Special Investigation Task Group (SITG) at sila ang maghahain ng mga kaso laban sa RWM.

(JAJA GARCIA)

COMMENTS

About Jethro Sinocruz

Scroll To Top
 

Copyright hatawtabloid.com | All Rights Reserved