Tuesday , September 25 2018
Breaking News
You are here: Home / Sports / San Diego, Woman int’l master na
San Diego, Woman int’l master na

San Diego, Woman int’l master na

KINAPOS  man sa Finals kontra Cuo Ruoutong ng China sa East Asia Junior Chess Championship sa Tagaytay City kamakalawa, naisukbit pa rin ni Marie Antonette San Diego ang mas malaking premyo.

At ito ang maging isang Woman International Master (WIM) na isang prestihiyosong titulo mula sa FIDE o World Chess Federation makaraang makalikom nang sapat na puntos ang 18-anyos Pinay sa U-20 Girls Division ng naturang torneo.

READ MORE:  Ravena payag maglaro sa Gilas

Tinalo ni Cuo si San Diego sa 5th round ngunit umariba si San Diego hanggang sa huling round upang makahabol sa 7.5 kabuuang puntos ni Cuo. Bagamat nagkasya na lamang sa segunda, sumapat ang puntos ni San Diego upang makamit ang prestihiyosong WIM title.

Kasalukuyang may 2126 rating si San Diego at nanatiling numero unong U-18 na manlalaro ng Chess sa buong Filipinas habang umakyat siya sa ika-19 sa Asya at ika-92 sa buong mundo.

READ MORE:  Floyd nagawang pabagalin ang laro (Kontra Pacman)

Magugunitang noon pang 2012 ay naabot ng tubong Cavite na si San Diego ang World Fide Master o WFM na isang ranggo ang agwat mula sa bagong titulo niyang WIM.

Samantala, nagkampeon sa U-20 boys division si Novenra Priasmore ng Indonesia, sa U-18 boys naman ay naghari ang Pinoy na si Jeth Remy Morada at gayondin sa U-16 na pinangunahan ni Daniel Quizon.

READ MORE:  Alab naka-isa rin

Sa iba pang resulta sa girls division, ibinulsa ni Malaysian WFM Nur Nabila Azman Hisham ang kampeonato sa U-18 samantala si Sharfina Juwita Ardelia ng Indonesia ang nagreyna sa U-16. (JBU)

COMMENTS

About John Bryan Ulanday

Scroll To Top
 

Copyright hatawtabloid.com | All Rights Reserved