Friday , March 29 2024

Ang ‘Terminator’ robot ng Russia

NAPAPANAHON na para lumuhod sa SKYNET. Sakaling hindi kayo pamilyar sa Terminator franchise, ito ang role na nagbigay kay Arnold Schwarzenegger ng ‘walk around’ sa pagpatay ng sinoman, at pagbigkas na rin sa famous phrase na “I’ll be back.”

Basically, ipinakita sa mga pelikula ang nakalulungkot na kinabukasan ng sangkatauhan, na ang mga computer at artificial intelligence ang magdedesisyong ang mga tao ang tunay na problema ng daigdig.

Salamat sa bagong Russian robot, ang mundo’y isang hakbang na mas napalapit sa tadhanang ito.

Ayon sa Kremlin, ang robot ay tinatawag na F.E.D.O.R. Ito’y acronym para sa Final Experimental Demonstration Object Research. Kamakailan, nag-post ng video ng robot si Russian deputy prime minister Dmitry Rogozin, at makikita sa footage na nagmamaneho ang mechanical behemoth at bumubuhat din ng iba’t ibang timbang. Bukod dito, ipinakita rin ang robot habang bumabaril sa isang firing range.

Sinabi sa tweet ni Rogozin na kayang bumaril ng FEDOR gamit ang dalawang kamay nito.

Dangan nga lang ay agad na idinugtong ng opisyal: “We are not creating a Terminator, but artificial intelligence (AI) that will be of a great practical significance in various fields.”

Pero naniniwala rin naman ang mga Russian na ang combat robotics ay mahalagang bahagi sa pagpapaunlad ng susunod na breakthrough sa larangan ng AI.

Apparently, lumilitaw na makatutulong nang malaki ang pagtuturo ng husay sa paggamit ng baril sa dalawang kamay para sa pagtatanghal nito sa ‘field of aviation.’

Ngunit may mas mataas na pag-asa pa ang mga Russian kay FEDOR. Plano nilang ipadala ang advanced robot sa International Space Station (ISS).

Nagmumula ang pondo para sa FEDOR sa Advanced Research Fund. Responsable ang Android Technics para sa konstruksiyon at programming. Plano ng mga siyentista na ipadala sa ISS sa taong 2021.

Sa puntong ito, umaasang napaigting na ng robot ang decision-making abilities nito at maging ang kanyang motor movements. Ang problema nga lang ay hindi pa masabing totoo mula sa mismong si FEDOR.

ni Tracy Cabrera

About Tracy Cabrera

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *