NAGBABALIK sa basketball ang dating manlalaro sa PBA na si Jondan Salvador at sa pagkakataong ito ay para tulungan ang Flying V Thunder sa kanilang kampanya sa PBA D-League Foundation Cup.
Matagal na naglaro si Salvador para sa Purefoods Chunkee Giants sa PBA mula 2005 kung kailan napili siya bilang 4th overall pick hanggang 2011. Naglaro rin siya para sa Air 21, Barako Bull, Powerade at Globalport.
Noong 2015 huling naglaro ang 36-anyos na produkto ng College of Saint Benilde.
Nakatakda niyang lalo pang patatagin ang ilalim ng Flying V na mayroon nang Hans Thiele at Gab Banal upang paigtingin pa ang kanilang kampanya na kasalukuyang nasa 2-0 at sa ibabaw ng liga.
Makakasama ni Salvador si Teng, na siyang panguna-hing kamador ng Thunder ngayon matapos ang 35 at 33 puntos na pagputok sa unang dalawang panalo nila.
Nanood si Salvador kahapon sa laban ng Flying V at Gamboa at inaasa-hang maglalaro na sa 13 Hunyo kontra Wangs Basketball.
Kung sakaling maibalik and kondisyon at game shape, umaasa si Salvador na magkakaroon siya ng PBA comeback. (JBU)