PATAY ang isang lalaking hinihinalang holdaper makaraan maki-pagbarilan sa mga tauhan ng Manila Police District (MPD) sa Ermita, Maynila, kahapon ng madaling-araw.
Kinilala ang suspek sa alyas na Andak, tinatayang 25-30 anyos, may taas na 4’10, nakasuot ng asul na T-shirt at ca-mouflage na short pants.
Napag-alaman, dakong 12:30 am, dumulog sa himpilan ng pulisya si Joy Abelarde at ini-ulat na hinoldap siya ng isang lalaking armado ng patalim habang naghihintay ng jeep sa harap ng Sta. Isabel College sa Taft Avenue.
Agad nagresponde ang mga pulis at nang matiyempohan dakong 1:45 am sa Muelle Del Rio St., sa likod ng Post Office sa Ermita ay pinaputukan sila ng suspek.
Mabilis na gumanti ng putok ang mga pulis na nagresulta sa pagkamatay ng suspek.
Narekober mula sa suspek ang limang sachet ng shabu, at isang .38 kalibre ng baril.
(BRIAN GEM BILASANO)