ISANG bangkay ng binatilyo ang natagpuan sa isang madamong lugar sa San Marcos Extension, Brgy. Balian, Pangil, Laguna, kahapon ng umaga.
Ang biktimang hindi pa nakikilala ay may taas na 5’4, tinatayang 15-18 anyos, nakasuot ng asul na T-shirt at brown shorts.
Sa ulat ng pulisya, dakong 9:45 am nang matagpuan nina Erson Babala Garcia, 37, at Mervin Babala Garcia, 22, kapwa residente sa Brgy. Balian, ang bangkay ng biktima sa masukal na bahagi ng nabanggit na lugar.
Agad nila itong ipinagbigay-alam sa mga opisyal ng barangay dakong 9:55 am, na siyang tumawag sa himpilan ng Pangil MPS.
Sa imbestigasyon, ang biktima ay may mga tama ng saksak sa iba’t ibang bahagi ng katawan.
Patuloy ang imbestigasyon ng pulisya sa insidente. (BOY PALATINO)