Monday , June 25 2018
Breaking News
You are here: Home / News / Retiradong ninja cop todas sa ratrat (Indian national, 1 pa sugatan)
Retiradong ninja cop todas sa ratrat (Indian national, 1 pa sugatan)

Retiradong ninja cop todas sa ratrat (Indian national, 1 pa sugatan)

PATAY ang isang dating pulis, kabilang sa talaan ng high value target (HVT) dahil tukoy na kabilang sa grupo ng “Ninja cops” ngunit nag-early retirement, habang dalawa ang sugatan nang madamay sa insidente ng pamamaril sa loob ng isang gym sa Sta. Ana, Maynila, kamakalawa ng gabi.

Agad binawian ng buhay ang biktimang si dating SPO3 Dennis Padpad, 47, at residente sa 2117 Silahis St., Sta. Ana, tinamaan ng sampung bala sa ulo at katawan.

Si Padpad ay huling nakatalaga sa Sulu ngunit maagang nagretiro habang isinagawa ang internal cleansing ng PNP.

Ginagamot sa Sta. Ana Hospital si Harkamal Preet-Singh, 23, Indian national, ng 2322 Oro St., San Andres Bukid, habang dinala sa Makati Medical Center si Rick Jezriel Zamora, 22, ng Unit 1E Banlagyas Condominium sa Raymundo St., Sta. Ana.

Sa imbestigasyon ng Manila Police District (MPD) Homicide Section, naganap ang insidente dakong 6:20 pm habang nasa loob ng SMJV Body Fitness Gym ang mga biktima.

Biglang dumating ang apat suspek, lulan ng dalawang motorsiklo at pinagbabaril ang dating pulis,  minalas na tinamaan ng bala ang dalawang sugatang biktima. (BRIAN GEM BILASANO)

COMMENTS

About Brian Bilasano

Scroll To Top
 

Copyright © 2009 - 2017 hatawtabloid.com | All Rights Reserved