Wednesday , June 28 2017
Breaking News
You are here: Home / Showbiz / Arjo Atayde, tsutsugiin na sa FPJ’s ang Probinsyano?
Arjo Atayde, tsutsugiin na sa FPJ’s ang Probinsyano?

Arjo Atayde, tsutsugiin na sa FPJ’s ang Probinsyano?

BILANG na nga ang araw ni Joaquin Tuazon (Arjo Atayde) dahil muntik na siyang masukol ng grupo ni Cardo Dalisay (Coco Martin) sa umereng episode noong Miyerkoles ng gabi sa FPJ’s Ang Probinsyano.

Ginawang human barricade ni Joaquin ang bata kaya hindi siya nagawang paputukan ni Cardo.

Pero may puso pa rin ang mahigpit na kontrabida ni Cardo dahil hindi naman niya talaga pinasabugan ang batang ginamit na panangga dahil malayo naman ang itinanim nitong bomba at sabay tago.

Parang naulit ang eksenang pinatay ni Joaquin si Ador dahil ganito rin ang ginawa niya kay Cardo na binaril niya habang nakatalikod at noong muling babarilin para masigurong patay na ay humarang ang kanyang inang si Agot Isidro (Verna).

Hindi halos makapaniwala si Joaquin na nanay niya ang nabaril niya at dahil parating na ang grupo ni Cardo kaya tumakbo siya at litong-lito.

Nagsumbong siya sa lolo Ramon (Eddie Garcia) niya na nabaril niya ang mommy niya at umaasang sana hindi pa patay.

Nabitin naman ang manonood sa kuwento dahil itutuloy kagabi ang kuwento kung tuluyang mamatay na si Agot, pero si Cardo, tiyak na buhay siya dahil hanggang 2018 pa ang FPJ’s Ang Probinsyano.

Iisa ang tanong ng lahat hanggang kailan na lang si Joaquin Tuazon sa serye? At sino na ang susunod na kontrabida sa buhay ni Cardo Dalisay?

Habang tinitipa namin ang balitang ito ay wala pang rating na ibinigay sa amin kaya curious kami kung nakailan ito.

FACT SHEET – Reggee Bonoan

COMMENTS

About Reggee Bonoan

Scroll To Top

Get Widget