Friday , March 29 2024
AKSYON AGAD ni Almar Danguilan
AKSYON AGAD ni Almar Danguilan

QC Hall Police Precinct palaban din vs kriminalidad

MADALAS ang impresyon sa city hall detachments ay bantay sa city hall o munisipyo. Nandi-yan ang paniwalaang bantay lang ng alkalde ang mga pulis na nakatalaga sa detactment – escort kung baga.

Akala din ng nakararami, hindi kasali sa ano man police operation ang city hall detachment at ang kanilang direktiba ay nagmumula sa opisina ng alkalde.

Mali ang mga impresyong nabanggit dahil ang city hall detachment ay walang ipinagkaiba sa mga police station at iba’t ibang operating units. Hindi lamang nakasentro ang city hall detachment sa munisipyo o city hall lalo sa pagbabantay sa alkalde kundi lagi rin nakaalerto at nagmumula ang direktiba nila sa mga police city director o district director.

Meaning, anytime ay palaban ang mga ope-ratiba ng city hall detachment – laban sila sa lahat ng masasamang element – 24 oras din nakaalerto ang mga operatiba rito.

Ang pagiging handa ng police city hall detachment (anytime) ay muling pinatunayan ng Quezon City Police District City Hall Detachment na pinamumunuan ni P/Chief Insp. Rolando S. Lorenzo Jr.

Nabanggit natin na muling pinatunayan dahil, hindi nitong nakaraang linggo lamang naka-dale ng masasamang elemento ang grupo ni Lorenzo kundi maraming beses na. Kung baga, taliwas sa inaakalang walang kuwenta ang city hall detachment pagdating sa kampanya laban sa kriminalidad.

Nitong 12 Mayo 2017, pinatunayan ng tropa ni Lorenzo ang patuloy na pagsuporta sa kampanya ni QCPD director, Chief Supt. Guillermo Lorenzo T. Eleazar laban sa kriminalidad sa lungsod

Dakong 12:50 am, habang nagpapatrolya (bilang pagbibigay seguridad sa  mamamayan) sa bisinidad ng Commonwealth Avenue, Quezon City, ang mobile car QC 246 at QC 245 ng city hall detachment, nilapitan sila ng isang biktima ng panghoholdap sa kanto ng Tandang Sora at Commonwealth Avenue, Brgy. Culiat, QC.

Tinutukan ng baril at hinoldap ng tatlong lalaki si Arnel Cruz. Tumakas ang tatlo sakay ng isang dumaang pampasaherong jeep patungo sa bisinidad ng QC Memorial Circle.

Makaraan, kasama ang biktima, nirespondehan agad ng mga tauhan ni Lorenzo ang insidente. Pagdating sa kanto ng Commonwealth Avenue at Arboretum Road, Brgy. UP Campus, QC, namataan ng biktima ang tatlong suspek na naglalakad.

Nang papalapit ang mga pulis sa tatlo para sa isang beripikasyon, bumunot ng baril ang tatlo at saka pinaputukan ang mga tauhan ni Lorenzo dahilan para ipagtanggol ng mga pulis ang sarili sa tatlong holdaper.

Nagresulta ang palitan ng putok ng baril sa pagkamatay ng tatlong holdaper. Narekober ng SOCO sa tatlong suspek, isa rito ay kinilalang si Jonathan Lucente ng Congressional Road, Brgy. Batasan Hills, QC, ang dalawang kalibre .45, at isang calibre .38.

Ayon kay Lorenzo, ang tatlo ay pinaniniwalaang responsable sa naganap na holdapan sa Commonwealth Avenue at ilang karatig- lugar.

Uli, hindi lang bantay city hall ang City Hall Police Detachment kundi laging nakaalerto para sa lahat ng mamamayan. Beinte-kuwatro oras  nakaalerto ang grupo ni Lorenzo bilang tugon sa kampanya ng QCPD o ni Gen. Eleazar laban sa kriminalidad para sa kaayusan at katahimikan ng lungsod.

Chief Supt. Eleazar, Chief Insp. Lorenzo, sampu ng inyong mga tauhan, sa pagkababawas ng mga prehuwis-yong masasamang elemento sa siyu-dad, masasabing malaking kabawasan ito sa puwedeng mangyaring holdapan sa lungsod.

Kaya,  ‘wag ismolin ang city hall police detachment, palaban din ang yunit na ito.

Congratulations!

AKSYON AGAD – Almar Danguilan

About Almar Danguilan

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *