Tuesday , October 16 2018
Breaking News
You are here: Home / Opinion / Ang climate may change, ang PNoy remnants sa DENR nagkakanlong sa climate change
Ang climate may change, ang PNoy remnants sa DENR nagkakanlong sa climate change

Ang climate may change, ang PNoy remnants sa DENR nagkakanlong sa climate change

HINDI nakabubuti sa kalikasan at sa mamamayan ang ‘sikat’ na katagang climate change. Bagama’t malaking debate ang teoryang “aktibidad ng mga tao sa daigdig ang nagbubunsod ng climate change” gaya ng gustong palutangin ng mga nagpapakilalang pulis ng planeta at kalawakan, mas malaking bilang ng mga siyentista sa buong mundo ang nagsasabing ‘hoax’ ang teoryang ito.

Paano nga naman dadaigin ng mga tao sa isang maliit na planetang gaya ng daigdig ang aktibidad ng araw sa kalawakan, gayong dominante ito sa buong solar system.

READ MORE:  Droga buhay pa sa Pasay

Singlaki ng kalawakan ang isyung ‘yan, pero sa Filipinas, ang Climate Change ay isang yunit sa Department of Environment and Natural Resources (DENR) na pinagkakanlungan ng ‘remnants’ ng PNoy administration.

Pinangungunahan ang nasabing remnants ng isang opisyal na nakatutok sa endangered species of wild fauna and flora na kilalang tao ni dating secretary Ramon Paje.

Isa sa unang ginawa ng grupong ito nang manalo sa eleksiyon si Pangulong Rodrigo “Digong” Duterte ay nangagsipagsiksikan at nagkanlong sa Climate Change department upang hindi sila mapansin.

READ MORE:  Kung sino pa ang kakampi… (Laglagan sa CA)

Hindi dahil nagmamalasakit sila sa klima at panahon na nakaaapekto sa bansa at sa mamamayan, kundi para patuloy silang nag-eempleyo at sumusuweldo kahit hindi naman sila nagtatrabaho.

Hindi natin sinasabi na hindi mahalaga ang yunit na ito sa DENR pero ang importante dapat naiintindihan nila kung ano ang kanilang trabaho.

Sa realidad, hindi alam ng remnants ng Pnoy administration kung ano ang trabaho nila sa Climate Change.

Kaya imbes makatulong sila sa “change” na isinusulong ng bagong administrasyong Duterte, isang grupo sila na nagpapanatili ng bulok na pagtingin at pag-unawa sa ‘climate change.’

READ MORE:  Alok ni Binay kay Roxas maging VP

Hindi na nakatutulong sa isinusulong  na pagbabago ni Pangulong Duterte, ginamit pa ang isyung ‘climate change’ para magkaroon ng change sa sariling bulsa.

Ano ngayon ang pagkakaiba ng change ni Pangulong Digong sa ‘change’ kuno na isinusulong ng mga taga-Climate Change?!

Naghihintay lang sila ng changing of guards!

Secretary Roy Cimatu, dapat diyan sa Climate Change unit unang magkaroon ng pagbabago sa loob ng DENR.

Alam na!

COMMENTS

About hataw tabloid

Scroll To Top
 

Copyright hatawtabloid.com | All Rights Reserved