Thursday , March 28 2024

Jaclyn Jose, nawindang sa Gawad Pasado awards

NAGING totoo lang si Jaclyn Jose at hindi natin siya masisisi kung nakapagkomento nang tanggapin ang kanyang parangal mula sa Gawad Pasado ukol sa pagkanta ni Inigo Pascua.

Inamin nitong naguluhan siya kung nasa isang konsiyerto ba siya at hindi sa isang awards night dahil sa sigawan at tilian ng tagahanga ng batang actor habang kumakanta iyon. Maraming natawa sa tinuran ng Cannes Best Actress at inisip na nagpakuwela lang ito.

Aniya, kaya siya dumalo ay para tanggapin ang kanyang Natatanging Gawad Pasado 2017 at para magbigay-pugay sa mga dalubguro dahil siya ang kauna-unahang nakatanggap ng Pinakapasadong Katuwang na Aktres mula sa mga dalubguro at hindi nito akalaing umabot na sa 19 na taon ang Gawad Pasado na unang ginanap (awards night) sa University of Sto. Tomas.

Hindi rin natin masisi kung bakit ganoon ka-energetic ang mga tagahanga ng anak ni Piolo Pascual dahil ito ngayon ang tatak ng millennial fans na walang pinipiling lugar basta mailabas ang kanilang suporta sa iniidolo.

Talagang naging napakaingay ng auditorium nang pumasok ang aktor at habang kinakanta ang single carrier na Dahil Sa ‘Yo.

Hindi lang sigaw at tilian ang pumalaot ng gabing iyon dahil sinabayan pa ng mga tagahanga ang pagkanta ng actor.

Hindi lang bilang performer kaya naroon si Inigo kundi siya rin ang tumanggap ng tropeo sa Pinakapasadong Aktor ng Taon para sa kanyang amang si Piolo na hindi nakarating dahil mayroon itong karamdaman.

Matagumpay na naidaos ng mga dalubguro ang kanilang 19th Gawad Pasado Awards Night na ginanap noong Mayo 3 sa Yuchengco Auditorium ng De La Salle University Taft.

Masayang tinanggap ni Ms Charo Santos ang kanyang tropeo bilangPinakapasadong Aktres ng Taon dahil sa makatotohanan at epektibong pagganap sa pelikulang Ang Babaeng Humayo.

STARNEWS UPLOAD – Alex Datu

About Alex Datu

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *