Monday , June 18 2018
Breaking News
You are here: Home / Showbiz / Jodi, hindi mahilig mag-shopping kapag nangingibang bansa
Jodi, hindi mahilig mag-shopping kapag nangingibang bansa

Jodi, hindi mahilig mag-shopping kapag nangingibang bansa

PINURI ni Jodi Sta. Maria ang leading men niya sa pelikulang My Other Selfdahil maski mas bata sa kanya ay parehong professional.

“Mas bata nga sila kaysa akin, pero ‘yung level of maturity naman ng dalawang lalaking ito ay hindi naman nalalayo sa akin. Hindi ko kailangang mag-adjust sa kanila (Xian at Joseph), sobrang blessing nga kasi pinadali nila ang buhay ko, dumarating sila sa set na alam na nila ang gagawin nila, and I think professionalism is very important, nasa kanila ‘yung qualities na ‘yun.”

At nabanggit ni Jodi na nagtagisan ng abs sina Xian at Joseph.

Sino ang may magandang abs at anong reaksiyon ng aktres sa mga nakita niya.

“Wala naman (akong) malisya, may mga bagay na kailangan mo lang gawin para sa eksena, hindi ko na-appreciate ko ‘yung mga pandesal (abs), pero na-appreciate ko ‘yung process kung paano niya nakuha ‘yung pandesal, it takes a lot of determination and time to keep your body fit,” nangingiting sagot ni Jodi.

Naikuwento rin na kapag nangingibang bansa pala si Jodi ay hindi siya namimili katulad ng ibang artista, mas interesado siya mga tao at kultura ng bawat bansa.

“Wala akong favorite place na puntahan kasi bawat bansa na puntahan ko, iba-iba ‘yung inio-offer nila, iba-ibang kultura, iba-ibang mga tao, so wala akong paborito.

“Hindi ko rin masyadong nae-enjoy ang shopping, ‘yung mga taong nakakakilala talaga sa akin, alam nila na when I go out of the country, talagang ini-skip ko ‘yung shopping part.  Mas gusto kong ma-immerse ‘yung mga buhay ng mga tao roon, ‘yung kultura nila, ‘yung history nila at kahit naman dito, hindi ako (ma-shopping),” kuwento ng aktres.

Ang My Other Self ay tungkol sa kuwento ng babaeng nakipagsapalaran sa ibang bansa dahil sa responsibilidad nito at naiba ang tahakin niya sa buhay ng makilala niya sina Xian (Henry) at Joseph (Chris) na magkaiba ang personalidad.

Mapapanood ang My Other Self sa Mayo 17 mula sa direksiyon ni Veronica Velasco na isinulat ni Jinky Laurel produced ng Starcinema.

FACT SHEET – Reggee Bonoan

COMMENTS

About Reggee Bonoan

Scroll To Top
 

Copyright © 2009 - 2017 hatawtabloid.com | All Rights Reserved