Sunday , June 24 2018
Breaking News
You are here: Home / News / Pulis itinumba sa simbahan (Sa Rizal)

Pulis itinumba sa simbahan (Sa Rizal)

PATAY si PO1 Junfil Lawas makaraan pagbabarilin ng riding-in-tandem sa harap ng isang simbahan sa Brgy. San Jose Rodriguez, Rizal. (ALEX MENDOZA)

PATAY si PO1 Junfil Lawas makaraan pagbabarilin ng riding-in-tandem sa harap ng isang simbahan sa Brgy. San Jose Rodriguez, Rizal. (ALEX MENDOZA)

PATAY ang isang pulis makaraan pagbabarilin ng hindi  nakilalang mga suspek sa labas ng isang simbahan sa Rodriguez, Rizal.

Mahigit isang linggo pa lang nakadestino sa lugar ang biktimang si PO1 Junfil Lawas.

Ayon sa mga residente, dakong 9:00 pm nitong Huwebes, nang umalingaw-ngaw ang magkakasunod na putok ng baril sa labas ng isang simbahan sa Brgy. San Jose, Rodriguez sa Rizal.

Pagkaraan, nakita nila ang nakabulagta at wala nang buhay na biktimang nakasuot ng police uniform ngunit wala na ang kanyang service firearm.

Sa imbestigasyon ng Scene of the Crime Operatives (SOCO), hindi bababa sa pitong basyo ang nakuha.

Kuwento ng kasama ni Lawas na si PO3 Norman Tabugan, may dalawang lalaking nakamotorsiklo ang pumunta sa presinto at nagpatulong sa biktima.

Saglit silang umalis, at nang makabalik ng presinto, nakatanggap ng tawag si Lawas.

Sa puntong ito, pumunta siya sa simbahan,  at doon pinagbabaril ang biktima.

Dating nakatalaga sa Intelligence Branch ng Binangonan Police si Lawas.

Mahigit isang linggo pa lang nang inilipat siya sa Community Police Assistance Center ng Kasiglahan Village sa Rodriguez.  (ED MORENO)

COMMENTS

About Ed Moreno

Scroll To Top
 

Copyright © 2009 - 2017 hatawtabloid.com | All Rights Reserved