Wednesday , December 12 2018
Breaking News
You are here: Home / Bulabugin / Digmaan vs STL nag-umpisa na ba?
Digmaan vs STL nag-umpisa na ba?

Digmaan vs STL nag-umpisa na ba?

UMIINIT na ang usapin sa Small Town Lottery (STL).

Matapang na inakusahan ng kilalang operator ng Meridian Vista Gaming Corp., sa ilalim ng Cagayan Economic Zone Authority (CEZA) na si Charlie”Atong” Ang si National Security Adviser Hermogenes Esperon Jr., na plano siyang ipatumba.

Kasapakat umano ni Esperon sina Justice Secretary Vitaliano Aguirre, at Philippine Charity Sweepstakes Office (PCSO) Chairman Jorge Corpuz para ipatumba siya.

Dito na bumuwelta ang top spook na si Esperon sa pagsasabing praning ang STL operator dahil nagpapatakbo rin siya ng illegal gambling na jueteng.

Tsk tsk tsk…

Heto na naman, naaalala na naman natin ang banggaan noon nina Manong Chavit Singson at Atong Ang noong panahon ni ex-president at convicted plunderer Erap ‘Buang’ Estrada.

Hindi ba’t muntik na rin daw ‘magkatumbahan’ noong mga panahon iyon?

O pakiramdam lang iyon nina sabit este Chavit at Atong sa isa’t isa?!

Pero ang isa sa kinabibiliban natin ngayon ang magigiting na generals ng PCSO na sina Gen. Alex Balutan at Gen. Corpuz, mukhang ipagtatanggol nila nang husto ang interes ng PCSO laban sa ilang mga ‘tiwali’ na nagagamit ang STL.

Tahasan din sinabi ni Esperon na si Atong Ang ay gambling lord na nag-o-operate umano ng jueteng at off fronton.

Ayon kay Esperon, ang lisensiya ng Meridian Vista Gaming Corp., ay para mag-operate ng jai-alai ay sa Cagayan Economic Zone Authority (CEZA) ngunit nakapagtataka umano na laganap ang off front betting station at jueteng sa iba’t ibang parte ng bansa na labas sa CEZA.

“Per Section 5 of RA 954, it is illegal to operate off fronton booths if these are not “within the premises of the place, enclosure or fronton where the basque pelota game is held” and his booths found their way outside of CEZA,” ani Esperon.

Ito rin umano ang dahilan kung bakit malaki ang nawawala sa PCSO at buwis na dapat sana ay pumapasok sa gobyerno.

Ayon kay Esperon, nag-iingay si Ang, sanhi ng takot niyang mamatay ang kanyang illegal gambling business dahil sa ipinatutupad na wastong proseso ng PCSO sa pagkakaloob ng prangkisa sa New Small Town Lottery (NSTL) na kakompetensiya niya.

“I vouch for the integrity and competence of Chaiman Jorge Corpuz and GM Alex Balutan, both retired generals. In contrast, Mr. Ang hardly pays  taxes and fees. And he is into so much illegal activities,” tahasang pahayag ‘yan ng top spook.

Kung hindi tayo nagkakamali, naunang lumapit si Atong at nagpasaklolo kay Pangulong Rodrigo Duterte para sagipin siya kina Aguirre, Esperon, at ilang miyembro ng Philippine Military Academy Class of 1982 dahil tinatarget umano siya.

Pero itinanggi ni Esperon ang paratang na pinagbabantaan niya ang buhay ni Ang.

“Let me categorically deny that I have ever threatened him. He should show evidence or witnesses that I want to see him dead. It is very likely that he is concocting talltales again,” diin ni Esperon.)

Inihayag ni Esperon na may operasyon din si Ang sa Cagayan, Nueva Ecija at Pangasinan, maging sa Bicol at Mindanao na mayroong operasyon ng masiao.

“Pangasinan happens to be the biggest jueteng province in terms of gross daily revenue, estimated at P20 million per day. But of course the government gets nothing from jueteng,” ayon kay Esperon.

Sa bagong patakaran ng STL, ang mga prangkisa ay dapat mayroong “monthly guaranteed revenue” sa PCSO  na tinatawag na Presumptive Monthly Retail Receipts (PMMR).

Kinakailangan din magdeposito ng 25 porsiyento ng PMRR, maabot man o hindi ang target.

“In the case of Pangasinan , the winning bid of PMRR was P225 million. The winner has therefore to deposit a non-refundable franchise fee of P56.25 million to be authorized to start operations, plus the P225 million PMRR which is the highest in the Philippines. So perhaps the threats he is claiming, imagined or real, were from lawmen who simply wanted to enforce our laws, or from rival gambling lords,” ani Esperon.

“Is it any wonder then that Ang is making noise? Hindi siya ang mamamatay. Mamamatay ang illegal gambling niya,” ani Esperon.

Aray!

Nagsimula na nga ba ang digmaan sa STL?!

Abangan natin ang mga susunod na pangyayari!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS
READ MORE:  Human trafficking at pokpokan sa spa-kol lantaran sa Malate, Maynila

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved