Tuesday , March 19 2024

Kasangga ko ang Russia — Digong

KASAMA ni Pangulong Rodrigo Duterte sina Foreign Affairs Secretary Enrique Manalo at National Security Adviser Hermogenes Esperon Jr., Russian Ambassador to the Philippines Igor Khovaev at navy officials ng Russia na nag-“Duterte fist” habang nasa Russian Guided Missile Cruiser “Varyag” na dumaong sa Pier 15 sa Port of Manila para sa 4-araw goodwill visit sa Filipinas. (Malacañang photo)
KASAMA ni Pangulong Rodrigo Duterte sina Foreign Affairs Secretary Enrique Manalo at National Security Adviser Hermogenes Esperon Jr., Russian Ambassador to the Philippines Igor Khovaev at navy officials ng Russia na nag-“Duterte fist” habang nasa Russian Guided Missile Cruiser “Varyag” na dumaong sa Pier 15 sa Port of Manila para sa 4-araw goodwill visit sa Filipinas. (Malacañang photo)

WALANG kinatatakutan si Pangulong Rodrigo Duterte dahil kasangga niya ang Russia.

“The Russians are with me so I shall not be afraid,” sabi ng Pangulo nang bumisita kahapon sa Russian guided missile cruiser “Varyag” na nakadaong sa Pier 15, Port of Manila.

Binigyan ng arrival honors si Pangulong Duterte ng Russian Navy Contingent.

Kasama ng Pangulo na nag-ikot sa loob ng barko, sina National Security Adviser Hermogenes Esperon Jr., at Foreign Affairs Secretary acting Secretary Enrique Manalo.

Nakita ng Pangulo sa loob ng barkong pandigma ang short-range anti-missile rocket system, long-range anti-aircraft missile rocket system at ang pangunahing armas nito, ang long distance anti-ship missile at anti-aircraft carrier, gayondin ang museum.

Noong nakalipas na Enero, naging panauhin din ang Pangulo ng Russian anti-submarine warship Admiral Tributs, nang magsagawa ng “goodwill visit.”

Ayon kay Russian navigator Dmitry Martyshchenko, maglalayag ang Varyag sa South China Sea, at mananatili sa erya sa loob ng isa hanggang dalawang buwan.

Sa susunod na buwan, tutungo si Duterte sa Russia para sa isang state visit bilang tugon sa imbitasyon sa kanya ni Russian President Vladimir Putin, nang magkita sila sa APEC Summit sa Lima, Peru noong Nobyembre 2016.

Ipinagmalaki ni Duterte, inalok ni Putin ang Russia bilang source ng lahat ng pangangailangan ng Filipinas, maging ng armas.

Dalawampung sundalo at pulis na Filipino ang ipinadala ng Pangulo para sanayin ng itinuturing na “world’s  most effective information-gathering organization” ang pamosong KGB (Komitet Gosudartsvennoy Bezopasnosti) ng Russia.

Natuwa aniya ang mga Ruso sa pagbatikos niya kay dating US President Barack Obama, at pang-aagrabyado ng Amerika sa Filipinas sa nakalipas na isang siglo.

Naging kontrobersi-yal ang KGB sa nakalipas na US presidential elections, at pinagbibinta-ngan ng Democrats na nakialam si Putin para manalo si Republican presidential bet Donald Trump laban kay Hillary Clinton ng Democrats.

(ROSE NOVENARIO)

About Rose Novenario

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *