Monday , June 25 2018
Breaking News
You are here: Home / News / Japanese investor patay sa ambush

Japanese investor patay sa ambush

042217_FRONT
AGAD binawian ng buhay ang isang Japanese investor habang sugatan ang kanyang kasamang Filipino, makaraan tambangan ng riding-in-tandem habang binabagtas ang kahabaan ng Ro-xas Boulevard sa Ermita, Maynila, kamakalawa ng gabi.

Base sa ulat ng Manila Police District-Homicide Section, kinilala ang biktimang si Seiki Mizuno, 48, pansamantalang nanunuluyan sa Solaire Hotel sa Pasay City, kararating lamang sa Fi-lipinas nitong Huwebes para sa business transaction sa Filipino businessman na si John Ong Desbarro, pangulo ng Oakwave Philippines Corporation, gumagawa ng cable harness para sa iba’t ibang gadgets, nasugatan sa insidente.

Napag-alaman, dakong 8:25 pm, lulan ang mga biktima ng isang Toyota Alphard (UHQ-319), kasama ang apat iba pa, nang pagbabarilin sila ng mga suspek sa kanto ng Roxas Boulevard at Cuarteles St., sa Ermita.

Unang pinaputukan ng mga suspek ang dri-ver na si Rolando Singsing ngunit masu-werteng hindi tinamaan, saka pinagbabaril ang mga sakay ng van at napuruhan si Mizuno, na bibisita sana sa pabrika ng Oakwave sa Tanza, Cavite.

Patuloy ang imbestigasyon ng pulisya hinggil sa insidente.

ni BRIAN GEM BILASANO

KOREAN NAT’L TUMALON
MULA 3/F DEDBOL

MASUSING iniimbestigahan ng Pasay city police kung nahulog o sad-yang tumalon ang isang Korean national mula sa ikatlong palapag ng tinutuluyang condominium sa Pasay City, kahapon ng umaga.

Basag ang bungo at mukha ng biktimang si Taehyong Kim, nasa hustong gulang, nanunulu-yan sa Unit 1240, Park Avenue Mansion, ng na-sabing lungsod.

Sa imbestigasyon ng Pasay City Police, nangyari ang insidente dakong 8:00 am sa nasabing condominium.

Bumagsak ang biktima sa jogging path veranda at agad binawian ng buhay. (JAJA GARCIA)

COMMENTS

About Brian Bilasano

Scroll To Top
 

Copyright © 2009 - 2017 hatawtabloid.com | All Rights Reserved