Friday , March 29 2024
lindol earthquake phivolcs

Aftershocks sa Batangas 3 buwan aabutin (5.4 magnitude quake yumanig sa N. Samar)

POSIBLENG tumagal ng hanggang tatlong buwan ang aftershocks sa Batangas.

Sinabi ni Phivolcs seismologist Ishmael Narad, ito ay dahil sa magnitude 6.0 lindol nitong Sabado.

Ayon kay Narad, bagama’t karamihan sa mga pagyanig ay hindi lubos nararamdaman, may ilan pang aftershocks na malakas hanggang magnitude 4.0.

Samantala, inoobserbahan ng Phivolcs ang epekto ng lindol sa Bulkang Taal na malapit lamang sa epicenter ng pagyanig nitong Sabado.

Bagama’t iba aniya ang pinagmumulan ng volcanic at tectonic quake, nais nila itong bantayan para agad makapag-abiso kung sakaling may mahalagang mamo-monitor na impormasyon.

5.4 MAGNITUDE QUAKE
YUMANIG SA N. SAMAR

AGAD nilinaw ng Phivolcs, walang kinalaman ang naganap na lindol kahapon ng umaga sa bahagi ng Northern Samar, sa nangyaring serye nang paglindol sa lalawigan ng Batangas.

Sinabi ni Karl Vincent Soriano, science research analyst ng Phivolcs, ang naganap na paglindol dakong 8:43 am, naitala sa 5.4 magnitude, ay tumama sa bahagi ng karagatan, may lalim na 27 kilometers.

Aniya, ito ay may kaugnayan sa paggalaw ng Philippine trench at hindi magdudulot ng ano mang tsunami.

Naramdaman din ang lindol sa ilang bahagi ng Leyte hanggang sa ilang lugar ng Bicol region.

Bago ang main quake na 5.4 magnitude ay nairehistro muna ng Phivolcs ang tinatawag na foreshock, nasa 4.5 magnitude.

Samantala, nagbabala ang Phivolcs na asahan ang mangyayaring aftershocks.

DOH, NAKAHANDA
SA ‘THE BIG ONE’

TINIYAK ng Department of Health (DoH) kahapon, ang kanilang ka-handaan para sa posibleng magnitude-7.2 earthquake na tatama sa Metro Manila.

Sinabi ni Health Secretary Paulyn Ubial, nakahanda ang DoH sa tatlong senaryo sakaling maganap ang tinaguriang “The Big One,” na maaa-ring idulot nang paggalaw ng West Valley Fault.

Ayon kay Ubial, ang magnitude-7.2 earthquake ay maaaring pumatay ng 21 katao, at makasugat ng tinatayang 200,000.

Bahagi ng kanilang nakahandang plano ang pag-preposisyon ng mga supply sa loob ng mga erya ng Metro Manila.

Nauna rito, itinanggi ni Phivolcs chief Renato Solidum, na ang paggalaw ng unnamed fault sa Mabini, Batangas ay posibleng magdulot nang paggalaw ng West Valley Fault.

Aniya, ang dalawang faults ay hindi magkakonekta.

Ang lindol na dulot ng fault sa kahabaan ng Mabini peninsula ay naramdaman din sa Metro Manila, nagresulta sa pa-ngambang malapit nang maganap ang ng “The Big One”

“Ang fault na gumagalaw [sa Mabini, Batangas] ay hindi konektado sa West Valley Fault… So kung ano man ang kilos ng fault na ito ay hindi nito maiistorbo nang ma-tindi ang Metro Manila at hindi ito magti-trigger ng pagkilos ng West Valley Fault,” ayon kay Solidum.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *