Thursday , February 22 2018
Breaking News
You are here: Home / Opinion / DOTr Secretary Arthur Tugade namumuro na nga ba kay Digong?
DOTr  Secretary Arthur Tugade namumuro na nga ba kay Digong?

DOTr Secretary Arthur Tugade namumuro na nga ba kay Digong?

PUMUTOK sa social media na si Transportation Secretary Arthur Tugade ay nasabon umano nang  walang banlawan ni Pangulong Rodrigo “Digong” Duterte.

Ilang buwan na lang at matatapos na ang one-year ban sa ma kandidatong talunan noong nakaraang eleksiyon.

Kaya hindi na nakapagtataka kung bakit maraming ‘ulong gumugulong’ matapos madale ng palakol lalo kapag umiinit ang ulo ng Pangulo dahil walang pag-asenso sa mga ahensiya o opisinang pinagtalagahan sa kanila.

Kung totoo man na nasabon nang walang banlawan si Tugade, palagay natin ‘e isa sa mga dahilan nito ang problema sa traffic na tila hindi man lang napag-iisipan kung paano gagaan.

Maraming sinabi si Tugade noong siya ay itinalaga ng Pangulo pero hanggang ngayon, ganoon pa rin ang traffic ng mga sasakyan sa lansangan.

Japan Philippines

Maraming nire-repair na kalye kahit hindi pa sira, kaya kabi-kabila ang hukay sa mga main thoroughfare.

Ilang beses na bang nagtigil-pasada ang iba’t ibang transport group, sa banta na tatanggalin sa kalye ang jeepney.

Siyempre marami ang tututol, kabuhayan ang nakataya riyan!

Ang siste, hindi man lang kasi nag-offer ng alternatibo, naturalmente, mag-aalboroto ang transport groups.

Hanggang sa kasalukuyan, marami pa ring problema sa LTO at LTFRB pero wala pa tayong naririnig na naglilinis si Tugade sa dalawang tanggapan na ‘yan?!

Ano ba talaga Secretary Tugade? Naiintindihan mo ba talaga na gustong magsulong ng pagbabago ng Pangulo?!

E bakit walang nakikitang pagbabago ang sambayanan?

Bingo na ba, Secretary Tugade?!

HIV TEST SA MGA PRESO
(ATTN: SECRETARY UBIAL)

041017 prison

NAUULIT ang karanasan ng Carandiru sa ating bansa. Ang Carandiru Penitentiary ay isang bilangguan sa Brazil na nagkaroon ng matinding massacre noong 1992 bago tuluyang buwagin noong 2002.

Ang rason: hindi na nakontrol ng mga awtoridad ang kaguluhan at talamak na pagkalat ng HIV/AIDS sa bawat preso.

Isinulat ito ng doktor na si Dr. Drauzio Varella at doon ibinase ang isang pelikula.

Sa nangyayari ngayon sa loob ng iba’t ibang bilangguan sa ating bansa, naniniwala tayo na hindi lamang Cebu City Jail ang mayroong ganitong kaso.

Tiyak na mayroon ding ganitong kondisyon sa iba pang bilangguan.

Sa ganang atin, isa ito sa dapat pagtuunan ng pansin ng Department of Health.

Maglaan ng pondo para sumailalim sa HIV test ang bawat preso. At kailangan din pondohan para iligtas sila sa kamatayan.

Alam natin na matagalan ang gamutan sa HIV/AIDS, maaari rin mamatay kapag hindi naipagamot kaagad.

Seryosong problema ito na dapat harapin ng DOH at ng mga kaugnay na ahensiya gaya ng Bureau of Corrections (BuCor) at Bureau of Mail Management and Penology (BJMP).

Hangga’t maaga, Health Secretary Paulyn Ubial, harapin na po ninyo ang problemang ito…

‘Yun lang!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright © 2009 - 2017 hatawtabloid.com | All Rights Reserved