Friday , June 22 2018
Breaking News
You are here: Home / News / 14 drug suspect tiklo sa buy-bust
14 drug suspect tiklo sa buy-bust

14 drug suspect tiklo sa buy-bust

LABING-APAT katao ang nasakote ng mga awtoridad sa isinagawang drug buy-bust operation sa magkakahiwalay na lungsod ng Caloocan, Malabon, Navotas at Valenzuela.

Dakong 5:30 pm, nang maaresto ng mga tauhan ng District Drug Enforcement Unit (DDIU) sa buy-bust operation sa pagitan ng 4th at 3rd Avenue, 2nd St., Brgy. 118, Caloocan City si Leonardo Astillero, 25, at Aubery Mae Bagood, 20-anyos.

Nadakip ng DDIU si Elmer Razo, 45, ng Guido 1, Brgy. 33, Maypajo, dakong 5:30 pm habang nakompiskahan ng isang sachet ng shabu si Elizabeth Razo, 33-anyos.

Nasakote ng mga tauhan ng Caloocan Police Station Drug Enforcement Team si Marvin Moran, 34, sa drug buy-bust operation sa 192 Libis Quicico, Brgy. 24, habang sina Manuel San Pedro, 46, at Ma. Enrica Espiritu, 25, ay nahuli habang gumagamit ng shabu sa naturang bahay.

Sa Malabon City, nadakip ng mga tauhan ng Malabon Police Station Drug Enforcement Unit sa buy-bust operation sa Pa-radise Village, Brgy. Tonsuya dakong 11:30 pm si Jesus Bayumbon, 42, at kanyang asawa na si Estrelita, 47-anyos.

Timbog si Ronald Marabe, 22, ng Market 3, Brgy. NBBN, Navotas City sa buy-bust operation dakong 11:30 pm sa nabanggit na lugar.

Sa Valenzuela City, naaresto ng mga tauhan Station Drug Enforcement Unit sa pangunguna ni PSI Milan Naz, sa drug-buy-bust operation sa 4279 Diam St., Gen. T. De Leon dakong 10:30 pm sina Ernesto Pasia, Jr., 47; Roderick Momay, 35; Joery Gonzales, 35, at Jovie Gonzales, 30, nakompiskahan ng walong sachet ng shabu. (ROMMEL SALES)

COMMENTS

About Rommel Sales

Scroll To Top
 

Copyright © 2009 - 2017 hatawtabloid.com | All Rights Reserved