Sunday , February 25 2018
Breaking News
You are here: Home / Opinion / Agaw-bahay ng Kadamay parang kalamay
Agaw-bahay ng Kadamay parang kalamay

Agaw-bahay ng Kadamay parang kalamay

ANO kaya ang gagawin ni Pangulong Rodrigo “Digong” Duterte ngayong puta-putakting nagsusulputan ang mga kababayan nating ‘nangangahoy’ ng bahay sa mga proyektong pabahay ng pamahalaan.

‘Yan ay mula nang pagpasyahan ni Pangulong Digong na ipagkaloob sa mga miyembro ng KADAMAY na nang-agaw ng bahay sa mga pabahay projects sa City of San Jose del Monte at Pandi, Bulacan.

Malinaw nga naman na anarkiya ‘yan sa hanay ng mga maralita.

Sabi nga ni Digong, ang tanging kasalanan nila ay maging mahirap.

040817 kadamay house

Paano ‘yan?

Sabi sa estadistika, 75 porsiyento ng mga Filipino ay mahihirap at wala kahit lupa sa paso.

Paano kung maisipan ng 75 porsiyento na ‘yan na mang-agaw ng bahay?!

Totohanin kaya ni Pangulong Digong na tatapatan niya ng Bazooka at M-60?

Madugo na naman ‘yan.

By the way, bakit kaya itong mga nang-aagaw ng bahay ‘e hindi subukang agawin ang mga bahay sa Camella Homes, sa Palmera, sa Amaia at sa iba pang proyekto ng malalaking real estate companies?!

Bakit ‘yung mga kapwa mahihirap ang inaagawan nila?!

Bakit hindi ang mga oligarch ang agawan nila ng bahay?!

Subukan kaya ng KADAMAY?!

MAY AASAHAN
PA BANG MAIBALIK
ANG OVERTIME PAY?

040717 immigration money protest

NOONG nakaraang Linggo ay maraming nag-aabang kung magkakaroon nga ba ng positive response o katugunan si Pangulong Rodrigo Duterte sa kahilingan ng buong kagawaran tungkol sa pagbibigay muli ng overtime pay sa lahat ng manggagawa ng Bureau of Immigration (BI).

Huwebes ng hapon ang nakatakdang meeting ng gabinete at ayon sa mga opisyales ng IOAP, kasama raw sa agenda ang usapin kung ipagkakaloob muli sa ahensiya ang nawala nilang O.T.

ATM, kasi ay aabot na sa apat na buwan mula nang matigil ang benepisyong inaasahan ng lahat ng kawani ng BI.

Ayon sa ilan, nakasalalay sa kamay ng Presidente ang kapalaran ng lahat ng empleyado.

Make or break, sabi nga!

Naghihintay rin ang karamihan ng resulta kung talagang tuluyan nang ipatitigil ang pagbibigay ng OT.

Kapag nagkataon, hindi malayo na magkaroon ng mass resignation ang halos 30 porsiyento mula sa bilang ng mga empleyado.

Una sa listahan ang mga bata pa o ‘yung mga bagong pasok sa bureau.

Sunod naman ay ‘yung malalakas ang loob at may mga ipinagmamalaking padrino para makapasok sa ibang kompanya o ahensiya ng pamahalaan.

Nakalulungkot isipin na ang isang dating matatag at kinaiinggitang  opisina gaya ng BI ay ganito lang pala ang patutunguhan!

Sa estado nito ngayon ay wala na itong ipinagkaiba sa ibang opisina ng gobyerno na tanging ang kakarampot na basic pay lang ang inaasahan ng mga empleyado.

Ayon na rin sa mga eksperto sa batas, ang tanging nalalabing pag-asa para manumbalik ang dating sistema, ay muling maipasa sa Kongreso ang pag-aamyenda ng panibagong Immigration law.

Ganoon pa man, kahit sabihin pa na tumaas nang 3-5 ang dating salary grade, hindi pa rin nito kayang tumbasan ang laki ng dating overtime pay.

Kung ating pakikinggan ang hinaing ng bawat isa, halos lahat ay talagang apektado na lalo na ‘yung may mga anak pang pinag-aaral.

Halos hindi na raw nila alam kung makapag-eenrol (sa taas ng matrikula) pa sa mga kolehiyo o maging sa high school ang kanilang mga anak sa darating na pasukan.

Ang iba naman ay hanggang leeg na raw ang pagkakautang mairaos lang ang kanilang gastusin sa araw-araw!

Once and for all, desisyonan na rin kung talagang waley na ang OT pay ng mga empleyado para maka-move on na rin sila.

Matira sa bureau ang matitibay at handang maglingkod sa kakarampot na suweldo.

Kung talagang wala nang pag-asa pang maibalik ang dating biyaya ng Express Lane Fund hindi malayo na iisa lang ang papasok sa isip ng sinoman…

Na malaking pagsisisi ang pagkakaluklok nila sa kanilang ibinoto nila noon?!

Well, ganoon naman talaga. Ang pagsisisi ay laging nasa huli!

SURVIVAL
OF THE FITTEST

031816 immigration NAIA plane

ANO naman kaya itong narinig natin na may mga bagong immigration officers (daw), karamihan ay mga bagong pasok pa ang baliktad naman ang kanilang nararanasan?!

Imbes malungkot o makisimpatiya sa pagkawala ng O.T. ay itinuturing na “blessing in disguise” pa raw sa kanila ang mga nangyayari ngayon.

Susmaryosep!

At baket?!

Dahil kung noon ay kontento na raw sila sa kanilang tinatanggap na overtime pay, ngayon naman daw ay halos tatlong doble pa ang kanilang kinikita sa isang araw?!

Sonabagan!

Paano nangyari ‘yun?!

Since wala na nga raw silang natatanggap na OT, pagkakataon naman daw na kumita sa mga pinalulusot na pasahero araw-araw!

Wattafak!?

Wala raw silang pakialam kung lumusot ang overstaying foreign nationals pati na ang mga Pinay OFWs na hindi dumaan sa tamang proseso o ‘yung mga walang dalang Overseas Employment Certificates o ang tinatawag na OEC.

Tama ba Bisor Rico Peraalba ‘este Pedrealba!? Tama ba Bossing Dong Castillo!?

King enuh!

‘Yan na nga ba ang sinasabi natin!

Free for all na ba riyan sa NAIA!?

Karamihan pa raw sa mga IO ay ‘yung mga galing sa Batch 13 o ‘yung grupo ng mga IO na huling nakapasok sa Bureau?

May mga ilan pa umano sa kanila ang ipinagmamalaki na 100 hanggang 200 libong piso ang kinikita kada linggo?!

Talaga lang ha?!

So nasaan na ‘yung magigiting na TCEU noon na nasa tuwid na daan, gaya nina Impyerno ‘este Imperio, Golimlim, Guerra at ang mga Tibolis na sina Timtiman at Ruiz?

Ibig bang sabihin nagbago na ang orientation nila?

Sa dami nga naman ng flights lalo na riyan sa NAIA, maning-mani lang sa kanila ang kumita ng 20 mil hanggang 30 mil sa bawat pasahero na kanilang pinalulusot ‘di ba?

Totoo man o hindi ang nasabing report sa atin, isa itong senyales na dapat nang umaksiyon si Commissioner Jaime Morente para pagpursighan ang pagbabalik ng dating legal na kinikita ng buong ahensiya!

In the first place, hindi ko masisisi ang murang isipan ng ilang bagong immigration officers o maging ng kahit sino pa man sa Bureau ngayon.

Pamilya na o sariling sikmura ang nakasalalay ngayon!

Survival of the fittest!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright © 2009 - 2017 hatawtabloid.com | All Rights Reserved