Friday , March 29 2024

Gerald, crowning glory ang makasama si Regine (Pang-world class ang talent)

INAMIN ni Gerald Santos na crowning glory para sa kanya ang makasama sa iisang entablado at maka-duweto ang Asia’s Songbird na si Regine Velasquez-Alcasid.

Aniya, “Sa kanya po ako nagsimula kaya hindi magiging kompleto ang concert ko kung hindi siya ang makakasama lalo hindi ako sigurado kung ito ang aking magiging huling concert sa taong ito. And besides, ito na ang magiging punto ng aking career na puwede kong sabihing isang legitimate concert artist na ako dahil nakasama ko ang Asia’s Songbird.”

Dagdag pa nito, siya mismo ang namili ng kakantahin nila ni Regine na isang English song na nagustuhan agad nito dahil maliban sa napapanahon, isang sikat itong kanta. Ayaw nitong sabihin ang titulo ng kanta dahil surprise ito kaya may humulang reporter na kanta iyon ni Lea Salonga sa Ms Saigon, ang The Last Night of the World pero tikom ang bibig ng Prince of Ballad.

Mas pinagtutuunan ngayon ng pansin ni Gerald ang kanyang singing career na kung tutuusin, isang dipa na lang ang layo at maaabot na ang rurok ng tagumpay.

Ayon sa kanya, matagal pa para ituon ang atensiyon sa pag-ibig dahil  makakapaghintay naman iyon pero ang pananagumpay ay minsan lang dumating sa buhay ng isang tao.

Ayaw man nitong tumbukin kung ano ang ‘bago’ sa titulo ng kanyang konsiyerto na Something New In My Life, maliwanag pa sa sikat ng araw na may kinalaman ito sa kanyang pag-audition sa Miss Saigon.

Kasama rin sa concert niya ang UP Chorus na magaganap na sa April 9 sa Sky Dome SM North EDSA.

PANG-WORLD CLASS
ANG TALENTO

Dumalo ang producer ng konsiyerto ni Gerald na si Mario S. Marcos at aniya, humanga siya sa humble beginning ng mang-aawit. Mayroong  gustong abutin si Gerald kaya dapat aalalayan at tulungan. Naniniwala siya sa kakayahan nito dahil pang-world-class ang talento nito sa pagkanta kaya dadalhin niya ito sa Japan, Hongkong, China, Singapore, Malaysia, Macau, at United Kingdom para bigyan-aliw ang Pinoy community doon.

Ang Something New In My Life ay inihahandog ng Twin Productions International, Sixteen Degrees Entertainment Production, Prinstar Music Philippines, MediaBiz Entertainment, Big Eyes Production, Wish FM, Myra at Globaltronics.  Katuwang din ang SM Supermalls, Royal AsiaExpress Inc., Smart Foundation, SIP Purified Water, RMES Salon, Japs Ramiscal Phtography, RLTV Productions and Fernando’s.  Mabibili ang tickets sa SM Tickets o tumawag sa 470-2222 at 09284782957.

STARNEWS UPLOAD – Alex Datu

About Alex Datu

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *