Friday , March 29 2024

Patutsada ni Digong: ‘Balls’ ng Magdalo ampaw, urong

AMPAW at urong ang ‘balls’ ng Magdalo party-list group na naghain ng impeachment complaint laban kay Pangulong Rodrigo Duterte sa Kongreso kaya tiyak na wala itong patutunguhan.

Sinabi ni Pangulong Duterte sa panayam sa kanya ng Philippine media sa Myanmar kamakalawa ng gabi, puro pag-iingay at kayabangan lang ang kayang gawin ng Magdalo Group na pinamumunuan nina Sen. Antonio Trillanes IV at Rep. Gary Alejano.

Nagtatapang-tapangan lang aniya ang Magdalo leaders sa pag-uukilkil sa isyu ng West Philippines Sea ngunit ang totoo, duwag sila kompara sa kanya.

Ang kaya lang gawin ng Magdalo, ayon sa Pangulo, maglunsad ng mutiny sa isang hotel, nakawin ang mga tuwalya at kubyertos doon at sumuko sa pulis kahit wala pa ni isang putok na balang naiputok sa kanila.

Nauna nang sinabi ni Alejano, idaragdag niya bilang basehan sa inihain niyang impeachment complaint laban sa Pangulo, ang aniya’y pagpapahintulot ni Duterte sa China na maglayag sa paligid ng Benham Rise na teritoryo ng Filipinas.

“If he wants to fight with China, he can lead. I would be glad to send him as the first batch of delegation of Filipinos who want to take the Spratly Islands and all of those they occupied now. Sige. Siya ang mauna. Maraming galit na nangyari sa ganoon. Ako, it would be a slaughter for the Filipinos to do that. ‘Yung kanyang tapang-tapangan, huwag munang… do not compare me with you. You are all cowards. Alam ninyo nakita ‘yung kagitingan ninyo noong nag-mutiny kaya mga walanghiya kayo,” anang Pangulo kay Alejandro at sa Magdalo Group.

”You just disturb the public peace, shouting invectives against government. Nagwara-wara kayo ng mga armas doon. Nag-agaw kayo ng hotel. That is the only one you are capable of doing: to invade the hotel and then thereafter to surrender. Huwag mo nga akong pakitaan ng mga yabang kahit ano. I mean, ‘yung ano ba ‘yung ginawa nila – ‘yung grupo nila? What have you done to the country?  Nothing! Except to make noise and that really happened during your mutiny.”

Dapat aniyang tigilan na ng Magdalo leaders ang pagpapanggap na matapang dahil nang nagkaroon sila ng tsansa na ipakita ito sa samba-yanang Filipino ay umatras naman sa laban.

“Tapos kayo mayabang. Ano bang ipinagyayabang ninyo? Na you had your chance to show your bravery. Do not shit with me. May panahon na, na dapat lumaban kayo, ‘yung itlog ninyo dumating naman diyan sa bunganga ninyo. Tapos sabihin niya ‘bravery-bravery.’ E ‘di noon lumaban na sana kayo. Pinanindigan ninyo ‘yung sarili ninyo. Don’t… If I were you, stop boasting about bra-very and all of these things. You are incapable of doing. You’ve had your chance to show to the Filipino,” kantiyaw ng Pangulo sa kanila.

Nakatakdang tapusin ng Pangulo ang isang araw na pagbisita sa Myanmar ngayon at pupunta sa Thailand mamayang gabi para sa dalawang araw na official visit.

(ROSE NOVENARIO)

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *