Thursday , March 28 2024

Soros-funded NGO sponsor ng UN event (Naglabas ng Leni video)

PINONDOHAN ni American billionaire George Soros ang US-based Drug Reform Coordination Network (DRCNet) Foundation, na sponsor ng forum sa Vienna, Austria, na naglabas ng video message ni Vice President Leni Robredo laban sa drug war ni Pangulong Rodrigo Duterte.

Nabatid na ang DRCNet Foundation ay kabilang sa 24 organisasyon na bumuo sa Coalition for Compassionate Leadership on Drug Policy, nagsulong upang baligtarin ang US drug laws at gawing legal ang drugs.

Aktibo umano, ayon kay Sue Rusche, executive director ng Georgia-based group National Families in Action, ang koalisyon sa pagharang sa appointment ni John Walters, bilang director ng Office for National Drug Control Policy, ng administras-yong Bush.

Pinalaganap aniya sa media ng koalisyon ang “critical report” laban kay Walters bago siya isalang sa confirmation hearing ng US Senate Judiciary Committee.

Sinabing kasabwat ni Soros noon sa pagkilos kontra kay Walters sina Peter Lewis, CEO ng Progressive in Ohio, at John Sperling, may-ari ng University of Phoenix.

Si Soros na lang ang nabubuhay sa kanilang tatlo.

Ang DRCNet ang pangunahing sponsor sa forum na Human Rights Challenge: Responding to Extrajudicial Killings in the Drug War, na ipinalabas sa UN anti-drug conference sa Vienna, Austria noong nakalipas na Huwebes.

Nauna nang ibinulgar ni Pangulong Rodrigo Duterte, na sina Soros at Fil-Am businesswoman Loida Nicolas-Lewis, ang gumagastos sa mga grupong nais siyang pabagsakin.

Sina Soros at Nicolas-Lewis ay pawang supporters ng talunang Democrat presidential bet Hillary Clinton.

Si Nicolas-Lewis ay pangunahing tagasuporta ng Liberal Party.

Nagbabala si Duterte noong nakaraang linggo, na kakasuhan ng rebel-yon ang mga taga-Amerika na sangkot sa destabilisasyon laban sa kanya kapag tumapak sa Filipinas.

Habang si House Speaker Pantaleon Alvarez ay nagbantang sasampahan ng impeacent complaint si Robredo dahil sa aniya’y paghahasik ng kasinungalingan sa ibang bansa.

(ROSE NOVENARIO)

About Rose Novenario

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *