Thursday , March 28 2024
Sipat Mat Vicencio

Destabilisasyon

KUNG tutuusin, wala naman talagang dapat pagtalunan kung meron ba o walang destabilsas-yong ginagawa ang ilang grupo para pabagsakin ang gobyerno ni Pangulong Rodrigo “Digong” Duterte.

Simula pa lang kasi nang maupo sa puwesto si Digong, kaliwa’t kanang kontrobersiya na ang kanyang pinasok lalo nang batikusin niya ang foreign policy ng Estados Unidos kasabay ng pagpuna sa United Nations at European Union.

Sinabayan ito ng tirada ni Digong na kanyang paiigtingin ang pakikipagkalakalan sa bansang Russia at China, at ang posibilidad na pagbili ng makabagong armas sa dalawang bansa.

Marami ang nagsabing dito nasaktan ang mga Amerikano, at pinaniniwalaang agad na pinakilos ang Central Intillegence Agency o CIA para unti-unting ‘gibain’ ang gobyerno ni Digong.

Tumindi pa ang ‘paggiba’ sa administrasyon ni Digong nang lumutang ang iba’t ibang grupo ng human rights advocates at halos walang tigil na kinondena ang programa ng gobyerno kontra ilegal na droga o ang Oplan Tokhang.

Nasundan ang sinasabing pag-atake ng mga kalaban ng administrasyon nang lumutang si Edgar Matobato, at itinuturo mismo si Digong na utak ng Davao Death Squad (DDS) na may pakana ng maraming patayan sa Davao.

Lalo pang tumindi ang atake kay Digong nang katigan ang paglilibing sa labi ni dating Pangulong Marcos sa Libingan ng mga Bayani.  Halos dalawang malalaking pagkilos ang inilunsad ng mga dilawan at makakaliwang grupo noong Nob-yembre 30, Bonifacio Day at December 10, Human Rights Day.

Sa pagpasok ng taong 2017, inakala ng lahat na tahimik na ang mga kalaban ni Digong. Pero nagulantang na lamang ang lahat nang biglang pumutok muli ang isyu sa bank account ni Digong na nagkakahalaga ng P2.4 bilyon.

Kasabay nito, muling binulabog si Digong sa paglutang ni Arthur Lascañas, dating pulis, at inaakusahan ngayon si Digong na siyang pasimuno sa patayan sa Davao. Sa susunod na linggo, nakatakdang dinggin ng Senado ang panibagong testimonya ni Lascañas.

Kaya nga kung tutuusin, malinaw na talagang mayroong destabilization plot laban sa administrasyon ni Digong. Ang problema lang kasi, makulit ang mga nasa Gabinete ni Digong, at hindi magkatugma ang kanilang mga sinasabi.

Ogag din lang talaga si PCOO Secretary Martin Andanar. Maaari naman niyang sabihin na bahagi ng destabilization plot ang pinatawag na press con ni Lascañas, pero huwag na siyang magsasabing meron itong ‘hatag’ sa Senate reporters.

Kamote!

SIPAT – Mat Vicencio

About Mat Vicencio

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *