Thursday , March 28 2024

Yasay bigong makalusot sa CA (Citizenship kinuwestiyon)

 

BIGONG makalusot si Department of Foreign Affairs (DFA) Secretary Perfecto Yasay para sa kanyang kompirmasyon, sa Committee on Foreign Relation ng makapangyarihang Commission on Appointments (CA) dahil sa isyu ng kanyang citizenship.

Hindi tuluyang ibinasura ng komisyon ang nominasyon ni Yasay para sa kanyang kompirmasyon, kundi ito ay pansamantalang sinuspendi.

Ayon kay Senador Panfilo “Ping” Lacson, chairman ng komite, mayroon pang mga katanungan ang ilang miyembro ng komisyon sa kalihim.

Dahil dito, itinakda ang susunod na pagdinig sa kompirmasyon ni Yasay sa susunod na linggo, upang higit niyang mapaghandaan ang mga katanungan ng mga miyembro ng komisyon.

Nauna rito, kinuwestiyon ng ilang miyembro ng CA kung paano sila makokombinsi na hindi isang US Citizen ang kalihim gayong ang kanyang asawa ay isang American Citizen.

Paliwanag ni Yasay, naninirahan siya sa America at naging residente rito at nanumpa bilang isang American citizen makaraan mag-apply, ngunit nabigo siyang maging citizen ng Estados Unidos nang bumalik sa Filipinas noong 1985.

Bukod dito, nakuwestiyon din si Yasay sa kanyang posisyon sa kontrobersiyal na usapin ng West Philippine Sea.

Katuwiran ni Yasay, ang naturang teritoryo ay pag-aari ng ating bansa ngunit nararapat itong ipaglaban sa isang matiwasay at tahimik na pamamaraan.

Dagdag ni Yasay, dapat ipaglaban ang ating karapatan sa naturang isla kahit matapos ang termino ni Pangulong Rodrigo Duterte.

(NIÑO ACLAN)

About Niño Aclan

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *