Wednesday , November 21 2018
Breaking News
You are here: Home / Bulabugin / PCOO Secretary Martin Andanar kalihim ba ng mga ‘troll’?
PCOO Secretary Martin Andanar kalihim ba ng mga ‘troll’?

PCOO Secretary Martin Andanar kalihim ba ng mga ‘troll’?

NOON tigas ang tanggi nitong si Presidential Communication and Operations Office (PCOO) chief na si Secretary Martin ‘Paandar’ ‘este Andanar na wala umano silang kaugnayan sa mga blogger na tinatawag na ‘trolls’ sa social media.

Pero habang lumalaon, lalo’t naglulutangan na at sabik na ring magpakilala sa madla ang mga tinatawag na bloggers cum trolls, awtomatiko silang kinandili ni Secretay Paandar, ‘este Andanar.

Kamakailan, idineklara ni Andanar na isasali o ilalahok nila sa Malacañang Press Corps (MPC) ang mga kilalang bloggers.

Napag-alaman natin, ang mga blogger ay personal na nakalalapit kay Pangulong Rodrigo “Digong” Duterte at mas mabilis pa silang nakapag-i-interview kaysa mga miyembro ng MPC.

Kumbaga, ‘yung MPC reporters na walang mintis sa pagko-cover sa mga activity ng pangulo, at nagtitiyagang makinig sa kanyang speeches para may maipasang istorya sa kani-kanilang publication or networks ‘e mas naiiwan dahil s’yempre mas naipaprayoridad ni Andanar ang bloggers.

Katunayan, iniimbitahan ng Palasyo ang MPC officials and members para makilahok sa gaganaping Social Media Police Town Hall sa 23 Pebrero sa UP Diliman para buuin daw ang draft policy ng kahalagahan ng social media bilang communication platform.

Wattafak! Sapak!

Talaga namang gagawin pang ‘ngongo’ ang mga taga-MPC para suwabeng ‘ma-legitimize’ ang pagpasok ng bloggers bilang miyembro ng MPC?!

Inililinaw lang po natin, wala tayong masamang tinapay sa bloggers.

Ang gusto nating sabihin may ibang dinamismo o autonomy ang tungkulin, responsibilidad at galaw sa lipunan ng mga mamamahayag kaysa bloggers.

Ang unang kuwestiyon siyempre, kanino accountable ang bloggers?

Sa Facebook? Sa Instagram? Sa Twitter?

At ang ipinagtataka natin, kung bakit parang napaka-espesyal ng trato ni Secretary ‘Paandar’ ‘este Andanar sa mga blogger habang ang mga lehitimong mamamahayag ay tahasan niyang pinagbibintangan na tumanggap umano ng $1,000 para i-cover ang press conference ng nagpapakilalang leader ng Davao Death Squad na si Arthur Lascañas sa Senado!?

Sonabagan!

Wala bang matinong adviser si Paandar ‘este’ Andanar at nagsasapubliko siya ng mga akusasyon na wala man lang siyang hawak na batayan?

‘Yan, inulan tuloy siya ng upak mula sa Senate reporters at mga katoto natin.

Hinahamon ngayon ng Senate reporters si Andanar na patunayan ang kanyang sinasabi dahil nakataya ang kanilang kredebilidad at reputasyon ng kani-kanilang media entity.

Pero kung hindi niya mapapatunayan, kailangan niyang mag-public apology dahil sa pagkakalat ng pekeng balita.

Gusto tuloy natin isipin, ganito ba mag-practice ng journalism si Mr. Andanar noong siya ay nasa mainstream media pa?

Kung oo ang sagot diyan, puwes magtataka pa ba tayo kung bakit ganito ang ipinakikitang asal ni Paandar ‘este Andanar sa mga taga-media, ngayong siya ay PCOO Secretary na?!

Ano sa palagay ninyo, mga katoto?!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap
COMMENTS
READ MORE:  Sex video ng kababuyan na naman!

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved