Friday , March 29 2024

Personality ni Liza, dapat maging standard sa pagpili ng Binibining Pilipinas

HABANG naglalakad papasok si Liza Soberano sa venue ng press conference niyong pelikula niyang My Ex and Whys at umupo sa harapan ng audience, tapos noong sumagot sa mga katanungan ng media, masasabi nga naming isang beauty queen ang dating niya.

In fact, ang sinasabi nga namin, iyong personality na iyon ni Liza ang dapat sanang maging standard sa pamimili ng Binibining Pilipinas sa ipadadala sa Miss Universe. Nag-evolve na rin kasi iyong Miss Universe eh, hindi puwedeng maganda lang. Kailangan din may laman ang utak. At sa nakikita namin iyon talaga si Liza.

Ang problema, siguro nga bukod sa bata pa naman si Liza, ang daming mawawala sa kanyang trabaho kung sasali siya sa beauty contest. Isipin ninyong madaling araw pa lang, kung magbubukas kayo ng TV mukha na ni Liza ang makikita  sa commercials. Gabi-gabi rin siyang napapanood sa primetime. Maya’t maya ay maririnig mong may mga shows siya sa mga probinsiya at maging sa abroad. Ngayon nga may pelikula pa siya, iyong My Ex and Whys. At sunod-sunod din halos ang pelikula niya.

Wala na yata tayong nakukuhang artista na ganyan kaganda. Aba eh kung ikukompara mo naman ang mukha ni Liza roon sa ibang plain faced, huwag na lang.

Kami, lahat halos ng nakakausap namin, basta nabanggit ang pangalan ni Liza Soberano, ang sinasabi ”maganda talaga iyon”. Maski nga si Isah Red na napakataray ang sabi ay ”maganda naman talaga si Liza”. Kung may sumagot nga ng mali roon sa linya niya sa kanyang pelikula na nagtatanong, ”pangit nga ba ako,” ang masasabi lang namin, sampalin mo.

Pero sinasabi ng kanyang director na si Cathy Garcia Molina, may disadvantage rin ang kagandahan ni Liza, ”hindi mo siya mapagmukhang marumi. Hindi mo siya mapagmumukhang pangit sa eksena kasi lulutang pa ring maganda siya.” Eh talagang maganda nga iyong tao eh, ano magagawa mo?

Pero hindi lang beauty queen eh. Palagay namin, ma-develop lang nang husto, iyang klase ni Liza ang magtatagal talaga sa showbusiness. Maniwala kayo sa amin, iyong magaganda talaga ang hinahanap ng mga fan. Hinahangaan nila iyong mga beauty na hindi nila kaya. Kaya nga humahanga sila eh. Kung ang makakasalubong nila ay plain faced lamang, pagsasawaan din nila iyan.

HATAWAN – Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *