Friday , March 29 2024

Sylvia, umurong ang dila nang isorpresa ni Sharon

UNANG beses naming makita si Sylvia Sanchez na tila umurong ang dila nang isorpresa siya ng idolong si Sharon Cuneta sa Magandang Buhay kahapon (Lunes) dahil hindi siya nakapagsalita.

Guest sa pang-umagang programa nina Karla Estrada, Jolina Magdangal, atMelai Cantiveros kahapon si Ibyang at akala lang niya ang apong si Joshua Garcia ng The Greatest Love at best friend for life na si Smokey Manaloto ang surprise guest niya pero laking gulat ng aktres nang biglang tawagin ang Megastar. Nakunan pang naka-nganga ang bida ng TGL.

Trending worldwide noong Miyerkoles ng hapon ang The Greatest Love at nagtala ng rating na 20.4% at 18.2% naman noong Huwebes.

Bungad ni Sharon, ”long overdue na ito, eh. Isa si Sylvia sa pinakamagagaling na artista natin. Talagang touch na touch ako sa mga sinasabi niya noong mag-uumpisa ‘yung ‘The Greatest Love’.

“Matagal na akong humahanga kay Sylvia, si Tita A ‘yung manager niya, ‘di ba? Nanay-nanayan ko ‘yun, eh. Nakikita ko lang siya (Ibyang) kapag may get together, at mahusay siya.

“Natutuwa ako kapag may magaling na artista tapos nabigyan ng oportunidad na malaki. Tuwang-tuwa ako roon, isang industriya lang tayo, eh. And she’s really deserving. Congratulations, napakalakas at ang taas ng ratings ng ‘The Greatest Love’, grabe, parang ‘yung ‘Your Face Sounds Familiar’, ha, ha parang ‘Magandang Buhay’.

“Gusto ko ngang gumest (mag-guest sa ‘TGL’), kaso hindi ko alam kung paano ako papasok sa istorya, ha, ha, ha.”

At tanging lumabas na lang sa bibig ni Ibyang, ”megastar, eh, pinuntahan ka?”Hirit ni Sharon, “dahil mahal kita, at mahal ko itong show na ito.”

Wala pa ring masabi si Nanay Gloria kaya si Sharon na lang ang nag-imbita, ”since busy po si Sylvia dahil hindi nagsasalita, panoorin n’yo po ang ‘The Greatest Love’ napakagandang teleserye po.”

Puro buntong hininga ang naririnig sa mikropono ni Ibyang at, ”sino lang ba ako para puntahan ang isang Megastar?” Biglang hirit ni Sharon, “tigilan mo nga ‘yan, Diyosko.”

Nanginginig ang boses ni Sylvia habang pinasalamatan si Sharon, ”salamat sobra, sobra dahil kanta ko lang ‘yung star na ako lang ‘yung si Gloria ng ano..(hindi na alam ang sasabihin)

Salo ni Mega, ”bakit nila-lang mo ang sarili mo?”

Say naman ng TGL lead star, ”pinanood kita noon sa ‘Sana’y Wala Nang Wakas’, eh (biglang nangilid ang luha).”

Pahayag naman ni Shawie, ”alam mo sa atin, nabibigyan lang ng titulo, ‘yung iba sa atin, lumalakas ‘yung kita ng pelikula, mayroon sa atin nakalulusot pero lahat tayo magkakasama sa isang industriya. Hindi naman kami mabubuhay kung wala rin naman ‘yung ibang kasamahan natin, ‘di ba? So, like I said, that’s from the bottom of my heart. ‘Pag mayroong isang kasing talented mo na nabigyan ng napakalaking oportunidad.

“And you are so deserving of this teleserye kaya nararamdaman din ng mga tagapanood ng ‘Greatest Love’ na napakalaki ng puhunan mo at ninyong lahat at stars. Ang laki ng inilalagay ninyo sa teleseryeng ito kaya bumabalik naman sa ‘yo.”

“Basta ako, nagpapasalamat ako ng pagkanta ng themesong namin (The Greatest Love of All) sobra. Maganda na ‘yung takbo ng istorya, pero mas maganda ‘pag nilapatan ng kanta mo,” katwiran ni Sylvia.

Samantala, nag-trending ulit si Ibyang sa guesting niya sa Magandang Buhaykahapon.

FACT SHEET – Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *