Tuesday , February 28 2017
Breaking News
You are here: Home / Showbiz / Tamang desisyon ang muling pag-aasawa ni Camille
Tamang desisyon ang muling pag-aasawa ni Camille

Tamang desisyon ang muling pag-aasawa ni Camille

MATAGAL na naming inaasahan iyan, pero noong isang araw, natuloy na ang muling pagpapakasal ni Camille Prats sa kanyang matagal ng manliligaw, na si John Yambao.

Marami rin naman ang natuwa sa nangyaring iyan. Alam naman nila ang naging buhay ni Camille. Na-in love siya at nagpakasal sa naging boyfriend niya noong si Anthony Linsangan, pero makalipas lamang ang mga tatlong taon, namatay si Anthony at naiwan si Camille na may isang anak na lalaki.

Kaya namang buhayin ni Camille ang kanyang anak. Hindi naman nawawala ang kanyang show sa GMA NewsTV. May drama pa rin naman siyang nagagawa hanggang sa ngayon pero may isang bagay na kulang hindi lamang para sa kanya kundi para rin sa kanyang anak. Kailangan niya ng katuwang sa buhay at sa pagpapalaki rin ng kanyang anak na lalaki.

Kaya sinasabi nga nila, tamang desisyon iyang muling pag-aasawa ni Camille. Marahil maging ang pamilya rin naman ng kanyang yumaong asawa ay magsasabi ng ganoon.

Kung sabihin noong araw, ”walang ikalawang glorya”. Ibig sabihin mahirap nang makatagpo ang isang babae ng panibagong kaligayahan kung mawawala na ang kanyang asawa. Pero iyan ay isang matandang paniniwala na. Marami naman tayong nakikitang mas gumaganda ang buhay kung sila ay nag-asawang muli. At sana nga ganoon din ang mangyari kay Camille.

Siguro nga lang, ang ibig sabihin niyan ay may pamilyang muling aasikasuhin si Camille. Posibleng mas marami na rin siyang intindihin dahil tiyak namang magkakaroon siya ng iba pang mga anak, at nangangahulugan iyon ng pagbabawas naman niya ng oras para sa kanyang career. Pero iyang showbiz career, hindi naman talaga iyan forever, kaya mas dapat pagbuhusan niya ng panahon ang pamilya na makakasama niya habambuhay.

HATAWAN – Ed de Leon

COMMENTS

About Ed de Leon

Scroll To Top

Get Widget