2 drug pusher utas sa pulis

PATAY ang dalawang hinihinalang drug pusher ma-karaan lumaban sa buy-bust operation ng mga operatiba ng Quezon City Police District (QCPD) Station Anti-illegal Drugs (SAID) Novaliches Police Station (PS-4) sa Brgy. Bagbag, Novaliches, Quezon City kamakalawa ng gabi.

Sa ulat kay C/Supt. Guillermo Lorenzo T. Eleazar, QCPD district director, ang mga napatay ay sina Raymond Caguita, 32, at Alex Versoza, 35, kapwa ng 36 Urbano St., Brgy. Bagbag ng nabanggit na lungsod, kapwa nasa drug watchlist ng PS-4 at kilalang tulak sa lugar.

Dakong 8:20 pm nang isinagawa ng mga awtoridad ang operasyon sa Urbano St., ngunit lumaban ang mga suspek na nagresulta sa kanilang pagkamatay.

(ALMAR DANGUILAN)