Thursday , March 28 2024

Police asset tinortyur ng pulis-Valenzuela

NAKARANAS ng torture ang dating police asset na inaresto ng mga tauhan ng Valenzuela Police Station, sinasabing tatlong beses inilalabas sa detention cell pagsapit ng madaling araw para pahirapan.

Ito ang ipinagtapat ni Gideon Roldan, inaresto kamakailan ng mga pulis sa kanilang bahay sa Gumamela Extension, Brgy. Gen. T. De Leon dahil sa hinalang pagtutulak ng ilegal na droga.

Aniya, tinutukan siya ng baril sa ulo ng mga pulis at isa ang nagsabi na barilin na lang siya, ngunit hindi naisakatuparan dahil humarang ang kanyang asawa at mga anak.

Dahil dito, dinala na lang sa presinto si Roldan at kinasuhan ng paglabag sa Sec. 5 at Sec. 11 ng R.A. 9165.

Ngunit hindi rito natapos ang kalbaryo ni Roldan dahil kahit nasa loob siya ng detention cell ng Valenzuela police station, pagsapit ng madaling araw habang tulog na ang mga kasamahan niyang preso, inilalabas siya ng mga pulis nang may piring sa mga mata.

Isinasakay siya sa sasakyan at iniikot kung saan-saan saka paiinomin ng isang litrong tubig, sabay pitik sa kanyang lalamunan.

Suntok sa sikmura, sampal at batok ang inaabot niya sa mga pulis na umaresto sa kanya.

Sinabi ni Roldan, nakilala lang niya sa mukha ang mga pulis na naglalabas sa kanya tuwing madaling araw at kakontsaba nila ang  jailers na panggabi.

Ipnagtapat ni Roldan, dati siyang asset ng mga pulis at marami na siyang naiturong drug personalities na nakulong din.

Ngunit nang masibak ang mga opisyal na kanyang sineserbisyohan, ikinulong na siya ng mga bagong opisyal na nakaupo.

Minadali ng kanyang nakatatandang kapatid na babae ang pagbaba ng commitment order ni Gideon, para mailabas agad siya at mailipat sa Valenzuela City Jail.

Lumapit din ang ate ni Gideon kay Mayor Rex Gatchalian para sabihin ang nangyayari sa kapatid at pinayuhan siya ng alkalde na magtungo sa National Police Commission (NAPOLCOM).

(JUN DAVID)

About Jun David

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *