Thursday , March 28 2024

MMFF entries, ibina-bargain

“BINA-BARGAIN sale”. “Ginagawa nilang presyong talipapa”. Ganyan ang comment ng ibang galit na taga-industriya ng pelikula sa biglaang announcement ng MMFF na magbibigay ng discount na 30% sa mga senior citizen, PWD, at maging mga estudyante kung manonood sila ng alin man sa mga indie na kasali sa festival.

Nauna riyan, ang pinakamalaking theater group sa bansa ay nag-alok pa ng isang “super ticket” na babayaran lamang ng P599 at makakapanood ka na ng apat na pelikula. Talagang bagsak presyo na iyan pero ang hinahabol ng mga sinehan ay kumita naman sila kahit paano. Kasi nakikita na nila ang reaksiyon ng publiko na maaaring manood lamang ng isa o dalawang pelikula sa walong palabas ngMMFF. Tinututulan naman iyan ng marami.

Ngayon may mga producer daw na nagsasabing malamang mag-pull out na lang sila sa festival kung magkakaroon nga ng bargain sale. Ang sinasabi nila, malulugi na sila. Ang inaasahan nilang crowd ay iyong mga estudyante lamang dahil definitely hindi kuha ng mga pelikulang iyan ang masa. Eh kung inaasahan mong magtitiyaga sa iyo ay may discount pa, ano pa nga ba ang kikitain mo?

Iyan ay nagsimula lang dahil sa katigasan ng kanilang ulo at pagpupumilit na gawing “all indie” ang MMFF, sa paniwala ngang iyon lang ang pagkakataon na ang mga pelikulang iyan ay makatitikim naman ng maraming sinehan. Pero parang iyong panukalang batas ni Bam Aquino na ang mga tirang pagkain ay ilagay sa isang malinis na lalagyan sa labas ng restaurant at ipakain sa mahihirap, inalmahan ng publiko ang desisyong iyan ng MMDA. Nanood na sila ng sine bago pa man ang festival. Pinanood na nila ang mga pelikulang gusto nilang mapanood, at sa panahon nga siguro ng Pasko, mamamasyal na lang sila sa mga theme park kagaya nga ng Star City, kaysa magtiyaga sa mga pelikulang indie.

Kami mismo, sinasabi nga namin, sa palagay namin dalawa lang sa mga pelikulang iyan ang may katuturan, iyong Seklusyon at iyong Die Beautiful. Hindi namin pagtitiyagaan iyong lahat ng walong iyon. Sasabihin nila suportahan ang industriya. Ano bang suporta ang hinihingi nila eh sila ang pumapatay sa industriya?

HATAWAN – Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *