Friday , March 29 2024

Bea Alonzo at Ian Veneracion, kaabang-abang ang tandem sa A Love To Last

FIRST time na nagtambal sina Bea Alonzo at Ian Veneracion sa pinakabagong serye ng ABS CBN na pinamagatang A Love to Last. Pero kahit first time ever na magkakasama sila sa isang project, lutang na lutang ang chemistry sa kanila. Sa presscon nito recently, obvious na sa maikling panahon ay naging magka-vibes agad sila. Maraming biruan ang dalawa sa naturang event at sure ako na makikita ito ng viewers kapag nagsimula na ang serye nila sa Januray 9.

Aminado si Bea na mabilis ang naging bonding nila ni Ian sa set. “Napakabait ni Ian. Masarap siya katrabaho, magaan lang and professional siya kapag trabaho na.”

Ipinahayag pa ng Kapamilya aktres na hindi siya nagdalawang isip na tanggapin ang project. “Nang na-pitch sa akin yung project, hindi na ako nagdalawang isip. Noong ikinuwento sa akin, na-inlove agad ako rito sa story.

“It tackles the family of today, extended family, hindi nawawala yung core values, na sinusuportahan ng kapamilya sa kapamilya network and I think kahit na mag-experiment tayo sa primetime o kahit na mag-experiment ako sa mga pelikula na ginagawa ko, babalik at babalik ka pa rin doon sa core mo. And ako nagsimula ako sa Star Creatives and I’m just happy to be home again.”

Nang usisain naman si Ian kung pumayag ba siya agad nang alukin sa project na ito? Eto ang banat niya, “Noong una lang, nagdalawang isip ako, sabi ko, si Bea? ‘Hindi ba siya masyadong old para sa akin?’” Pabirong saad ng aktor.

Biglang bawi naman ni Ian, “Hindi, siyempre excited ako. Kami ni Iza, we’ve worked together before, maraming beses na. And first time ko to work with Bea and matagal ko na siyang gustong makatrabaho talaga.”

Ano ang first impression ni Bea kay Ian?

Sagot ng aktres, “Noong una, alam ko na mukha siyang matalinong tao, para siyang mahiyain. Nagkamali ako. Joke!” pabirong saad pa niya kay Ian na ang tawag niya ay Papa I. Dagdag pa ni Bea, “Hindi, hindi ako nagkamali, masarap siyang kakuwentuhan, pero noong umpisa, para siyang mahiyain. Pero parang may connection agad, hindi mo kailangang ipilit. Hindi ba ganoon daw ang friendship, hindi pinipilit, hindi pinipili? So, parang ganoon yung kay Papa I.”

Ang A Love to Last ang magiging buwena manong handog ng ABS CBN sa taong 2017 sa nalalapit nitong pagsisimula sa Primetime Bida. Pinangungunahan ng box office actress na si Bea at sough after leading man na si Ian, ang A Love to Last ay napapanahong kuwento tungkol sa pamilya na magpapakita sa mga manonood kung paano naiiba ang konsepto ng pag-ibig pagdating sa reyalidad.

Kasama rin sa A Love to Last sina Enchong Dee, Julia Barretto, Ronnie Alonte, JK Labajo at Hannah Vito. Ito’y sa direksyon nina Jerry Lopez Sineneng at Richard Arellano.

ALAM NA! – Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *