Bebot na Chinese tumalon sa 10/F ng condo dedo

HINIHINALANG tumalon mula sa ika-10 palapag ng condomin-ium ang isang babaeng Chinese nitong Miyerkoles ng gabi sa Pasay City.

Kinilala ni Pasay City Police chief, Senior Supt. Lawrence Coop, ang biktimang si Chen Juan, 23, pansamantalang tumutuloy sa Unit 1008 ng Antel Tower sa Roxas Blvd. ng lungsod, tubong Sanmiao Town, Hechuan Dist., Chongquing, China.

Sa report ni Chief Inspector Rolando Baula, hepe ng Station Investigation and Detective Management Branch (SIDMB) dakong 11:45 pm nang matagpuang wala nang buhay ang biktima sa ikalimang pa-lapag ng Antel Tower.

Base sa imbestigasyon ng pulisya, nagtungo sa condo ng biktima ang mga kaibigan niyang sina Wei Zhuo at Shan Lie, kapwa Chinese national, ngunit hindi binubuksan ni Chen ang pintuan kahit ilang beses na silang nag-door bell.

Sinubukan nilang tawagan ang cellphone ng biktima ngunit hindi sumasagot.

Sa tulong ng security guard, puwersahan nilang binuksan ang pinto ngunit wala roon ang biktima at kalaunan ay natagpuang walang buhay sa ikalimang pa-lapag ng condo.

(JAJA GARCIA)