Thursday , March 28 2024

Jack Lam tinutugis ng PNP

INIUTOS ni Philippine National Police (PNP) chief, Director Gen. Ronald dela Rosa ang nationwide manhunt operation laban sa negosyanteng si Jack Lam na ipinaaaresto ni Pangulong Rodrigo Duterte.

Ayon kay dela Rosa, dahil sa “bribery at economic sabotage” kaya nais ng pangulo na madakip ang negosyanteng siyang operator ng online gaming sa Fontana, Clark, Pampanga.

Kasabay nito, umapela ang PNP chief sa publiko na agad ipagbigay-alam sa pinakamalapit na estasyon ng pulisya ang ano mang impormasyon na magiging daan sa paghuli kay Lam.

“Kung sino nakaaalam kung nasaan si Jack Lam ngayon, siya ay isang Chinese national na nag-o-o-perate ng online gaming sa Fontana Clark, ipagbigay alam lang po sa ating (pulisya) sa nearest police station,” wika ni dela Rosa.

Ayon kay Gen. Bato, nagpalabas na siya ng kautusan sa lahat ng PNP units sa buong bansa para arestohin si Lam.

Aniya, nakipag-ugnayan na siya kay Bureau of Immigration (BI) Commissioner Jaime Morete hinggil sa direktiba ni Pangulong Duterte.

Samantala, walang ideya si Dela Rosa kung mayroon nang inilabas na Hold Departure Order (HDO) laban sa wanted na negosyante ngunit tiniyak na hindi makalalabas ng bansa ang gambling tycoon.

Inihayag ni Dela Rosa, gagawin nila ang lahat para hindi sila ma-technical kaugnay sa pag-aresto kay Lam dahil hanggang ngayon ay wala pang kasong isinasampa sa negosyante.

Kahit wala pang kaso
JACK LAM PUWEDENG
ARESTOHIN – AGUIRRE

INIHAYAG ni Justice Secretary Vitaliano Aguirre, hindi mapipigilan ang pag-aresto sa gaming tycoon na si Jack Lam kahit wala pang isinasampang kaso laban sa kanya.

Kasabay nito, idinepensa ni Aguirre ang kautusan ni Pangulong Rodrigo Duterte na arestohin si Lam, makaraan maaresto ang 1,316 undocomunted Chinese workers sa kanyang casino.

Nais ng pangulo na maaresto si Lam dahil sa bribery at economic sabotage.

“There is such a thing as warrantless arrest for continuing offense,” wika ni Aguirre.

Sinabi ni Aguirre, ang pag-operate ng illegal gambling ay isang continuing offense at puwedeng arestohin ang mga sangkot dito kahit walang warrant.

Pahayag ni Aguirre, posibleng ang PNP o NBI ang magsasampa ng kaso laban kay Lam sa Department of Justice (DoJ).

Si Lam ay isang Macau-based businessman, siya rin ang operator sa online gaming sa Fontana Clark Casino sa Pampanga.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *