6th OFW and Family Summit dinagsa

BUO ang paniniwala ni Senador Cynthia Villar, director ng Villar SIPAG, isa sa mga sagot upang manatili sa bansa ang isang overseas Filipino worker (OFW) kapiling ang kanyang pamilya ang patuloy na paglulunsad nila ng OFW at Family Summit.

Ito ang isa sa mga bi-nigyang diin ni Villar sa kanyang pahayag sa pagdalo sa 6th OFW and Family Summit na pina-ngunahan din ng Go NEGOSYO.

Ayon kay Villar hindi dapat masayang o mauwi sa  wala ang lahat ng naipon o iuuwing salapi ng isang kababayan nating OFW.

“Our workers should be guided properly on how to spend their savings and what kind of businesses they can invest in to grow their income. Sayang naman ang mahabang panahon na sila ay nagtrabaho sa ibang bansa kung ma-pupunta lang sa wala ang kanilang ipon,” ani Villar.

Naniniwala si Villar, bukod sa mahalagang papel na ginagampanan ng pamahalan sa buhay ng isang OFW ay mahalagang magabayan sila sa kanilang dapat na buhay sa bansa upang sa ganoon ay manatili ang kanilang pananalapi, lalo pang lumaki ang ipon at hindi na makaisip na mangibang bansa.

Iginiit ni Villar, dapat ay magtulungan at magkaisa ang bawat isa lalo na ang pamahalaan at ibang mga pribadong kompanya sa pagbibigay ng hanapbuhay, kabuhayan o trabaho sa bawat OFW na nasa bansa at maging sa kani-kanilang pamilya.

Tinukoy ni Villar, bukod sa pasahe sa pagbabalik sa bansa na ipinagkakaloob nila sa mga OFW na humihingi sa kanila ng tulong, ay pinagkakalooban din sila ng panimulang negosyo o puhunan katulad ng sari-sari store.

( NIÑO ACLAN )